Төрүт оонньуулар кыттыылаахтара
Саха төрүт оонньуулара омук эт-хаан, өй-санаа өттүнэн сайдыытын туоһутунан буолаллар. Саха киһитин күннээҕи олоҕун, дьарыгын оонньуунан көрдөрөрө.
Былыр сымса туттуу-хаптыы, кыраҕы харах, холку быһыы-майгы, инникини ырыҥалыыр дьоҕур сыаналаналлара. Онтон саха остуолун оонньуута тарбаҕы сайыннарар, тулууру, сымсаны эрчийэр буолан, дьон олус сөбүлүүрэ.
Алгыстаах Арчы Дьиэтигэр тохсунньу 27 күнүгэр, СӨ Үлэ сылыгар анаан «Хабылык, күөрчэх» сахалыы остуол оонньуутун күөн күрэһэ ыытылынна.
Күрэс түһүлгэтигэр саха төрүт үгэһин тутуһан, сүрүн остуол оонньуутун күрэҕэр Арчы Дьиэтин түмсүүлэриттэн уопсайа 9 хамаанда хомуллан кэлэн, күрэстэстэ.
Күрэх сурун судьуйатынан Саха Өрөспүүбүлүкэтигэр остуол оонньууларын федерациятын толорооччу дириэктэрэ, өрөспүүлүкэтээҕи категориялаах судьуйа, «Айылгы» оҕо эстетическэй сайдыытын киинин уһуйааччыта Анджела Тимофеевна Андросова үлэлээтэ.
Күрэх түмүгүнэн:
Бастакы Үрдэл – “Алаһа Дьоҕура» хамаанда (сал. Дегтярева К.Н).
Иккис Үрдэл – “Көмүс саастар» хамаанда (сал.Алексеева А. А.)
Үһүс Үрдэл – “ОЦНТ” МБТ хамаандата (сал. Семенова Е.Е.)
Өбүгэ оонньуутун сөргүтэн, хаамысканы, хабылыгы, тырыыҥканы иллэҥ кэмҥэ оонньуохха, мындыр өйбүтүн сайыннарыахха!
Любовь КОНСТАНТИНОВА-Кыталы Куо
Үөһээ Бүлүү улууһугар ыытылла турар “Барахов ааҕыылара” үс бүк өрөгөйдөөх. Ол курдук, И.Н.Барахов аатынан 1-кы…
Саха Өрөспүүбүлүкэтин Бырабыыталыстыбатын Бэрэссэдээтэлин солбуйааччы Ольга Балабкина олунньу 12 күнүгэр Бэчинчэҕэ судаарыстыбаннай былаас ситэриилээх уорганын…
Өрөспүүбүлүкэҕэ суукка иһигэр икки буруйу оҥоруу таҕыста, холуобунай дьыалалары силиэстийэлээһини борокуратуура хонтуруолугар тутан олорор. Горнай…
“Саха сирэ” хаһыат үүт соҕотуопкатын боппуруоһун болҕомто киинигэр өрүү тутар. Ааспыт нэдиэлэҕэ “Үүт харчыта төлөннөҕүнэ,…
Олунньу 13 күнүгэр түүн 00:15 чааска Мииринэйдээҕи диспетчерскэй сулууспа дьуһуурунайыгар икки эр киһи сүппүтүн туһунан…
Ытыктабыллаах Саха сирин олохтоохторо! Эһигини Төрөөбүт тыл уонна сурук-бичик күнүнэн ис сүрэхпиттэн эҕэрдэлиибин! Бу саха…