Остуолбаҕа кэтиллибит уонна административнай эппиэтинэскэ тардыллыбыт

Ааспыт суукка устата Дьокуускайга эмсэҕэлээччитэ суох 7 суол быһылаана таҕыста. Бу туһунан киин куораттааҕы Госавтоинспекция иһитиннэрэр.

Алтынньы 28 күнүгэр сарсыарда 9 чаас саҕана Билибин уулуссаҕа 19/7А №-дээх дьиэ аттыгар 24 саастаах суоппар «Тойота Кроун» мааркалаах массыынаны ыытан иһэн, сүрүн суолунан айаннаан иһэр «ПАЗ» оптуобуска суолу туораан биэрбэтэх, ол түмүгэр харсыспыт. Салгыы «Тойота Кроун» массыына  уулусса уотун остуолбатыгар сааллыбыт. Бу суол быһылааныгар ким да эмсэҕэлээбэтэх. «Тойота Кроун» массыына суоппарыгар РФ Административнай кэһии туһунан кодексатын 12.33 ыст., 12.26 ыст. 1-кы чааһынан уонна 19.3 ыст. 1-кы чааһынан административнай матырыйааллар оҥоһулуннулар.