Остуруок дьиэтигэр Дьокуускай былыргы каартатын ыйааатылар

Бүгүн, муус устар 18 күнүгэр, пааматынньыктар уонна ытык сирдэр аан дойдутааҕы күннэрин бэлиэтиибит. Бу күҥҥэ анаан Саха сиригэр кэккэ тэрээһиннэр ыытылыннылар.

Ол курдук, Дьокуускайга интэриэһинэй быыстапка аһылынна. Киров уулуссатын 10-гар баар Остуруок дьиэтигэр Дьокуускай куорат 1939 сыллааҕы каартатын сөргүтэн, улахан холустаҕа бэчээттээн, дьон-сэргэ көрүүтүгэр таһаардылар. Бу каартаҕа Ленин проспега Октябрьскай уулусса диэн аатынан сылдьар, сорох сүппүт уулуссалар, оннооҕор күөллэр көстөллөр.

Сэрии иннинэ таҥыллыбыт каартаҕа олоҕуран, киин куорат бастакы генеральнай былаана оҥоһуллубута.