Былаан 75 бырыһыан туолла

Бу күннэргэ өрөспүүбүлүкэҕэ 324 тыһыынчаттан тахса туонна от бэлэмнэннэ. Бу былаан 75% тэҥнэһэр.

Кыстыкка киирэр сүөһү аһылыгын бэлэмнээһин хампаанньатын хаамыытын дьүүллэһэр мунньаҕы бырабыыталыстыба бэрэссэдээтэлин солбуйааччы Сергей Местников ыытта.
2,3 тыһыынча туоннаттан тахса от, 12,1 тыһыынчаттан тахса туонна сиилэс бэлэмин бэлиэтээтилэр.

“Көрдөрүү куһаҕана суох, былырыыҥҥы таһымҥа турар. 2024 сыллаахха бүгүҥҥү күн туругунан итиччэ от кээмэйэ бэлэмнэммит. Ол эрээри сорох муниципальнай тэриллиилэргэ хаалыы баара бэлиэтэнэр (ол иһигэр айылҕа уонна килиимэт балаһыанньата эмиэ дьайар). Сиилэһи бэлэмнээһини күүһүрдэр сорук турар. Онон миэстэтигэр баар күүһү түмэр наада», — диэн бэлиэтээтэ Сергей Местников.

Муниципальнай тэриллиилэр оттооһуҥҥа көрдөрүүлэрэ маннык: Жатай муниципальнай оройуона – былаан 129%, Өлүөхүмэ оройуона – 96%, Амма улууһа – 95%, Үөһээ Бүлүү улууһа – 92%, Ленскэй оройуона – 88%, Мэҥэ Хаҥалас улууһа – 78%, Уус Алдан улууһа — 84%.

Өрөспүүбүлүкэ 12 оройуонугар былаан 7%-тан 45%-ҥа диэри туолла. Олортон холобурдаатахха, Дьааҥы улууһа — 3671 туоннаны (42%), Муома улууһа — 303 туоннаны (27%), Өймөкөөн улууһа — 797 туоннаны (22%), Эбээн-Бытантай улууһа 163 туоннаны (7%) оттообуттар.

Сиһилии https://www.sakha.gov.ru/news/10727 сигэнэн билсиҥ