От кэмигэр сыһыаннаах билгэлэр

Отчуттарга саамай сүрүн күннэр тураллар. Омурҕаҥҥа, сыта-тура бу билгэлэри кэтээн көрүҥ.

— Хотуур биитэ көҕөрдөҕүнэ – ардах кэлэрин сибикитэ

— халлаан көнөөрү гыннаҕына, кустук кыһыл өҥө баһыйар, оттон күөх өҥө баһыйар буоллаҕына, халлаан өтөрүнэн көммөт

— хаппыт от хонууга сытан сиигирэн сымнаатаҕына, ардах чугаһаабытын билгэлиир

— хаптаҕас, моонньоҕон уктарыгар үөн-күрдьэҕэ мустубут буоллаҕына, соторунан ардыыр

— үүнүү мөлтөх дьылыгар сибиинньэ, кутуйах оту сииллэр

— сайын от ситиитин саҕана түһэр тыал от сиэмэтин ыһар буолан, туһалаах

— үүнээйи сэбирдэҕэ иинэҕэс, ньалҕаархайа суох буоллаҕына, оттоммут от соппоҥ буолар

— мас атырдьах окко аанньа киирбэт буоллаҕына, соторунан былыттаах, ардахтаах күннэр кэлэллэр

— от-мас сыта дыргыйдаҕына сотору ардыыр

— от туораҕа элбэх буоллаҕына, бурдук да үүнүүлээх буолар

— от туораҕа элбэх сайынын эһиилигэр от үүнүүлээх дьыла буоларын билгэлээччилэр

— от умнаһа синньигэс уонна сэбирдэҕэ кыра дьылыгар от кэлиитэ кыра буолар

— тойон ыҥырыа элбэх сайыныгар, от сибэккитэ элбэх сүмэһиннээх, өҥ сайын буолар.

(И.Сосин, И.Неустроев “Сахалыы күнү-дьылы билгэлээһиннэр” кинигэттэн).