От ыйын 1 күнэ: ардах, этиҥ, күүстээх тыал

Синоптиктар сабаҕалыылларынан, бүгүн, от ыйын 1 күнүгэр, ардах, сорох сиринэн этиҥнээх ардах түһэрэ күүтүллэр, тыал сөкүүндэҕэ 15-20 миэтэрэҕэ диэри күүһүрүөҕэ.

Бу туһунан Саха сиринээҕи УГМС саайта иһитиннэрэр. Өрөспүүбүлүкэ арҕаалыы-хоту, хоту, хотугулуу-илин, соҕуруулуу-арҕаа өттүгэр кыралаан ардыыр, сорох сиринэн самыырдыыр, оттон Өлөөн, Мииринэй улуустарыгар сорох сиринэн этиҥнээх ардах түһүөҕэ.

Кыра тыаллаах, хоту байҕал кытылынан сорох сиринэн сөкүүндэҕэ 9-14 м. түргэннээх тыалырыа, этиҥнээх ардах кэмигэр тыала сөкүүндэҕэ 15-20 м тиийэ күүһүрүө.

Салгын температурата түүн +3…+8°, соҕуруу, арҕаа +8…+13°, хотугулуу-илин -1…+4° кыраадыс сылаас. Күнүс +22…+27°, хотугулуу-илин +13…+18° кыраадыс сылаас буолуо.

Дьокуускайга салгын температурата түүн +6…+8°, күнүс +22…+24° кыраадыс сылаас. Ардаҕа суох, тыала соҕуруулуу-арҕааттан сөкүүндэҕэ 4-9 м түргэннээх.