Хаартыска: «ЯКУТИЯ: ВСЁ ПРО СВО» ТГ-ханаал
2021 сыл ахсынньы 9 күнүгэр Ил Дархан Айсен Николаев Ыйааҕынан өрөспүүбүлүкэҕэ от ыйын 1 күнүгэр – Байыаннай дьайыы бэтэрээннэрин күнэ олохтоммута.
Бу бэлиэ күн 1945 сыл кэнниттэн ССРС, Арассыыйа Федерациятын уонна да атын судаарыстыбалар территорияларыгар бойобуой дьайыыларга, локальнай сэриилэргэ уонна Сэбилэниилээх киирсиилэргэ кыттыбыт Саха сирин олохтоохторун үтүө өҥөлөрүн билинэр сыалтан олохтоммута.
Аан бастаан маннык бэлиэ күнү 2009 с. бэтэрээннэр холбоһуктарын көҕүлээһининэн тэрийбиттэрэ. Москваҕа Поклоннай хайаҕа буойун-интернационалистарга анаан сибэкки дьөрбөтүн уураллар.
Бүгүҥҥү бэлиэ күҥҥэ анаан өрөспүүбүлүкэ үгүс улуустарыгар байыаннай дьайыы кытыылаахтарын өйдөөн-санаан ааһар, чиэстиир тэрээһиннэр ыытыллаллар. Дьокуускай куоракка үгэскэ кубулуйан Саха судаарыстыбаннай тыйаатырыгар байыаннай дьайыы кыттыылаахтарын ыҥыран чиэстииллэр, наҕараадалары туттараллар.
Бүгүн киин куоракка Саха Академическай тыйаатырга күнүс 14:00 чаастан бэлиэ күҥҥэ анаммыт быыстапка арыллыаҕа. Биһиги бэтэрээннэрбит кыргыс хонууларыгар уонна эйэлээх олоххо көрдөрбүт дьоруойдуу быһыыларын туһунан кэпсиир экспозиция үлэлиэҕэ. Күнүс 16:00 чаастан үөрүүлээх бырагыраама ыытыллыаҕа: ытык ыалдьыттар тыл этиилэрэ, бэтэрээннэри наҕараадалааһын сиэрэ-туома, ону таһынан патриотическай кэнсиэр. Киириитэ босхо.
Бэлиэ күнү түмүктүүр тэрээһиҥҥэ байыаннай дьайыыга сылдьан эйэлээх олох иһин олохторун толук уурбут саллааттары кэриэстээн чуумпуруу мүнүүтэтигэр туран, кинилэр сырдык ааттарын курустук ахтан-санаан ылыллыахтаах.
Саха сиригэр сыл саҕаланыаҕыттан байыаннай дьайыы 32 кыттыылааҕа уонна байыаннай сулууспалаахтар 85 дьиэ кэргэттэрин чилиэнэ…
Бу сыл тохсунньу 10 күнүгэр буруйдаах дьахтар Кырдьаҕастар уонна инбэлииттэр өрөспүүбүлүкэтээҕи интэринээт-дьиэлэрин дириэктэрин дуоһунаһыттан ууратыллыбыта.…
Бүгүн, от ыйын 1 күнүгэр, Саха сиригэр Национальнай бэчээт күнүн бэлиэтииллэр. Саха Өрөспүүбүлүкэтигэр Национальнай бэчээт…
Бүгүн халадьыыльныкка кимиэхэ барытыгар кэриэтэ баар бородууктанан мини-пиццалары астыыр ырысыабы кытта үллэстэбит. Пиццалар сыырдаах эбэтэр…
Дьокуускайга от ыйын 1 күнүгэр Байыаннай дьайыы бэтэрээннэрин күнүгэр аналлаах сибэкки дьөрбөтүн ууруу үөрүүлээх тэрээһин…
Бэс ыйын 30 күнүгэр СӨ Национальнай бибилэтиэкэтигэр киһи аймах историятын икки саамай былыргы айымньыта –…