2021 с. ахсынньы 9 күнүгэр Ил Дархан Айсен Николаев ыйааҕынан өрөспүүбүлүкэҕэ от ыйын 1 күнүгэр – Байыаннай дьайыы бэтэрээннэрин күнэ олохтоммута.
Бу бэлиэ күн 1945 сыл кэнниттэн ССРС, Арассыыйа Федерациятын уонна да атын судаарыстыбалар территорияларыгар бойобуой дьайыыларга, локальнай сэриилэргэ уонна Сэбилэниилээх киирсиилэргэ кыттыбыт Саха сирин олохтоохторун үтүө өҥөлөрүн билинэр сыалтан олохтоммута.
Аан бастаан маннык бэлиэ күнү 2009 с. бэтэрээннэр холбоһуктарын көҕүлээһининэн тэрийбиттэрэ. Москваҕа Поклоннай хайаҕа воин-интернационалистарга анаан сибэкки дьөрбөтүн уураллар.
2022 с. бу бэлиэ күнү докумуонунан олохтуурга этии киллэрэн, сокуон бырайыагын оҥорон киллэрбиттэрин Судаарыстыбаннай Дуума дьокутааттара көрбөтөхтөрө. Сокуон барыла быйыл Судаарыстыбаннай Дуумаҕа иккиһин киллэрилиннэ.
Бүгүҥҥү бэлиэ күҥҥэ анаан өрөспүүбүлүкэ үгүс улуустарыгар байыаннай дьайыы кытыылаахтарын өйдөөн-санаан ааһар, чиэстиир тэрээһиннэр буола тураллар. Дьокуускай куоракка Саха судаарыстыбаннай тыйаатырыгар бу бэлиэ күҥҥэ байыаннай дьайыы кыттыылаахтарын ыҥыран чиэстээтилэр, наҕараадалары туттардылар.
Алдан оройуонугар байыаннай дьайыылар бэтэрээннэригэр анаммыт пааматынньыкка сибэкки дьөрбөтүн уурдулар. Тэрээһиҥҥэ «Сэрии сылларын оҕолоро» сэбиэт чилиэннэрэ, Алдан куорат баһылыга, «Юнармия» патриотическай хамсааһын салайааччыта, Саллааттар ийэлэрэ хамсааһын салайааччыта, о.д.а тыл эттилэр.
Оттон Горнай улууһугар бэтэрээннэргэ уонна кинилэр дьиэ кэргэттэригэр анаан кэнсиэр, маастар-кылаас уонна күрэхтэр ыытылыннылар.
Бэлиэ күнү түмүктүүр тэрээһиҥҥэ байыаннай дьайыыга сылдьан эйэлээх олох иһин олохторун толук уурбут саллааттары кэриэстээн чуумпуруу мүнүүтэтигэр туран, кинилэр сырдык ааттарын курустук ахтан-санаан ыллылар.
Дьааҥы Табалааҕыттан төрүттээх Дьокуускай куоракка олорор биир дойдулаахтар түмсүүлэрин көхтөөх актыбыыһынан биллэр Елизавета Потапова быйыл…
Бүгүн, от ыйын 5 күнүгэр, хапсаҕайга, курашка, буоксаҕа, волейболга уонна үрдүккэ хатаастан тахсыыга (скалолазание) бастыҥнары…
«Азия оҕолоро» норуоттар икки ардыларынааҕы оонньуулар биир кэрэхсэнэр күрэхтэһиилэринэн хапсаҕайдаһан тустуу буолар. Үгүс киһи аан…
"Азия оҕолоро" оонньууларын кэмигэр хас биирдии күрэхтэһии буолар сирин аттыгар билиэт уонна сувенир атыылыыр, суумкаҕын…
Саха сиригэр ойуур баһаарын умуруорууга 1600 киһи, ол иһигэр анал идэлээх 700 баһаары утары охсуһааччы…
Хапсаҕайга Саха сирин сүүмэрдэммит хамаандата алта мэтээллээх. Итинтэн иккитэ - кыһыл көмүс. Хапсаҕай күрэһэ "Триумф"…