Сайаана Львова хаартыската
Бэрэсидьиэн Владимир Путин Ыйааҕынан бу сыл от ыйын 1 күнүттэн кыраныысса таһыгар тахсарга аналлаах пааспары уонна атын да докумуоннары ыларга судаарыстыбаннай түһээн (пошлина) 20% үрдүөҕэ.
Кыраныысса таһынааҕы биометричэскэй пааспары биэрии 5000 солкуобайтан 6000 солкуобайга диэри үрдүөҕэ. Оттон 14-гэр диэри саастаах оҕолорго — 2500 солкуобайтан 3000 солкуобайга диэри үрдүүр. Саҥа пааспар 10 сылга диэри болдьоххо бэриллэр. Маны таһынан Арассыыйа олохтоохторо 5 сылга болдьоххо биометричэскэй дааннайдара суох пааспары эмиэ оҥотторуохтарын сөп. Улахан дьоҥҥо өҥө сыаната — 2000 солк., оттон оҕолорго — 1000 солк. буолар.
Ону тэҥэ, омук дьонугар бэриллэр докумуоннарга пошлина үрдээтэ. Олорору көҥүллүүр докумуон (вид на жительство) — 800 солкуобай, быстах олорору көҥүллүүр докумуон — 1920 солкуобай, Арассыыйа визатын уһатыы — 1200 солкуобай, омук дьонун үлэҕэ ыларга көҥүллүүр докумуон — 12 000 солкуобай, Арассыыйаҕа үлэлииргэ көҥүллүүр докумуон — 4200 солкуобай буолуоҕа. Бу иннинэ кыраныысса таһынааҕы пааспары ыларга, төттөрүтүн, «Госуслуги» порталга 20%-наах чэпчэтии баар этэ. Бу чэпчэтии быйылгыттан тохтообута.
Саха сириттэн сылдьар хирург уонна анестезиолог-реаниматолог быраастар Докучаевскай куоракка байыаннай дьайыы кыттыылаахтарыгар мэдиссиинэ көмөтүн оҥороллор.…
Мэҥэ Хаҥаласка сокуоннайа суох бултааһын дьыалатын булбуттар. Кыһыл кинигэҕэ киллэриллибит тыһы уонна атыыр мороду кустары…
Ыам ыйын 12 күнэ. Ил Дархан Россия Дьоруойа, өрөспүүбүлүкэ ыччат дьыалаларыгар уонна социальнай коммуникацияларга миниистирин…
Ыам ыйын 16-18 күннэригэр Казахстаҥҥа Алматы куоракка аҕам саастаахтарга «Ardager Alany» тустууга норуоттар икки ардыларынааҕы…
Таатта оройуонун борокуратууратын ирдэбилинэн үлэһиттэр хамнастарыттан сокуоннайа суох харчы тутуллубута төннөрүлүннэ. Бу туһунан СӨ Борокуратууратын…
«Манчаары оонньуулара» ХХІ спартакиада саҕаланыар диэри 50 күн хаалла. Таатта улууһа өрөспүүбүлүкэ биир улахан успуорт…