От ыйын 10 күнэ: самыыр, этиҥнээх ардах, силлиэ тыал

Саха сирин синоптиктара иһитиннэрбитинэн, Саха сирин үгүс өттүгэр кыралаан самыырдыыр, сорох сиринэн дохсун ардах түһэрэ күүтүллэр. Бу туһунан Саха сиринээҕи УГМС саайта суруйар.

Өрөспүүбүлүкэ үрдүнэн соҕуруу, Бүлүү бөлөх улуустарыгар сорох сиринэн  дохсун ардах, ардыгар этиҥнээх ардах түһэр. Тыал сорох сиринэн сөкүүндэҕэ 9-14 м/с диэри күүһүрүө, оттон этиҥнээх ардах кэмигэр уонна хоту  байҕал  кытылыгар силлиэ тыал сөкүүндэҕэ 15-18 м/с тиийэ күүһүрүө.

Салгын температурата түүн +12…+17°, хоту +3…+8°, хоту байҕал кытылынан 0,+5° кыраадыс буолуо. Күнүс салгын температурата +20…+25°, ардах кэмигэр уонна хоту +14…+19°, соҕуруулуу-арҕаа +25…+30°, хоту байҕал кытылынан +4…+9° кыраадыс сылаас буолуо.

Дьокуускайга түүн салгын температурата +15…+17°, күнүс +22…+24° кыраадыс сылаас. Түүн  сөҥүүтэ суох, күнүс быстах ардахтыыр, ардыгар этиҥнээх ардах түһэрэ сабаҕаланар. Тыала соҕуруулуу-илинтэн сөкүүндэҕэ 4-9 м/с түргэннээх, күнүс силлиэ тыал сөкүүндэҕэ 9-14 м/с тиийэ күүһүрүө.