От ыйын 12 күнэ: быстах ардах, сорох сиринэн этиҥнээх ардах

Бүгүн, от ыйын 12 күнүгэр, өрөспүүбүлүкэ хотугулуу-илиҥҥи өттүгэр, илин, соҕуруу быстах ардахтыыр, сорох сиринэн этиҥнээх ардах түһэр.

Томпо, Өймөкөөн улуустарыгар сорох сиринэн дохсун күүстээх ардах түһүөҕэ. Бу туһунан УГМС саайта иһитиннэрэр.

Арҕаа улуустарынан сөҥүүтэ суох. Кыра тыаллаах, киин, соҕуруу улуустарга сөкүүндэҕэ 9-14 м. тиийэ, хоту байҕал кытылыгар, хотугулуу-илин, Өлүөнэ алын тардыытынан уонна этиҥнээх ардах кэмигэр сөкүүндэҕэ 15-20 м тиийэр күүстээх тыал түһүөҕэ.

Салгын температурата түүн +10…+15°, хоту +5…+10°, хоту байҕал кытылынан 0…+5°, күнүс +22…+27°, хотугулуу-илин +15…+20°, хоту +10…+15°, арҕаа +27…+32°, хоту байҕал кытылынан +2…+7° кыраадыс сылаас.

Дьокуускайга түүн салгын температурата +13…+15°, күнүс +23…+25° кыраадыс сылаас. Сөҥүүтэ суох. Тыал хотугулуу-арҕааттан сөкүүндэҕэ 3-8 м түргэннээх, күнүс  сөкүүндэҕэ 8-13 м тиийиэ күүһүрүө.