От ыйын 20 күнэ: +33 кыраадыс уонна этиҥнээх ардах

Бүгүн, от ыйын 20 күнүгэр, Саха сирин сорох улуустарыгар +33 кыраадыс буолара уонна этиҥнээх ардах түһэрэ күүтүллэр диэн УГМС иһитиннэрэр.

Соҕуруу, соҕуруулуу-илин, хотугулуу-арҕаа, хотугулуу-илин улуустарга быстах ардыаҕа, сорох сирдэринэн этиҥнээх ардах түһэрэ күүтүллэр. Өймөкөөн улууһугар ардах, сорох сирдэринэн дохсун ардах түһэрэ күүтүллэр.

Күнүс +28+33°, соҕуруу, хотугулуу-арҕаа, хотугулуу-илин ардах түстэҕинэ +19+24°.