От ыйын 24 күнэ: этиҥнээх ардах, +31° кыраадыс

УГМС саайта иһитиннэрэринэн, бүгүн, от ыйын 24 күнүгэр, Саха сирин киин улуустарынан сорох сиринэн, Өлүөнэ өрүс алын тардыытынан, илин, Халыма-Индигиир улуустарыгар, күнүс соҕуруу, соҕуруулуу-арҕаа быстах ардах түһэр.

Киин улуустарынан, соҕуруу, Эдьигээн, Кэбээйи, Томпо, Өймөкөөн, Аллараа Халыма, Орто Халыма улуустарыгар  этиҥнээх ардах түһэрэ күүтүллэр.

Кыра тыаллаах, Арктика кытылынан уонна этиҥнээх ардах кэмигэр силлиэ тыал сөкүүндэҕэ 15-20 м. тиийэ күүһүрэр.

Салгын температурата түүн +13…+18°, өрөспүүбүлүкэ арҕаа өттүгэр уонна хотугулуу-илин сорох сиринэн +8…+13°, Арктика кытылынан +1…+6°.

Күнүс салгын температурата +26…+31°, арҕаа, соҕуруу, Халыма-Индигиир улуустарыгар +21…+26°, Арктика кытылынан +3…+8° кыраадыс сылаас.

Дьокуускайга түүн сөҥүүтэ суох, күнүс быстах ардахтыыр, этиҥнээх ардах түһэрэ күүтүллэр. Тыала хотугулуу-арҕааттан сөкүүндэҕэ 3-8 м. диэри түргэннээх, этиҥнээх ардах кэмигэр тыал сөкүүндэҕэ 9-14 м. тиийэ күүһүрүө. Салгын температурата түүн +16…+18°, күнүс +27…+29° кыраадыс сылаас буолуо.