От ыйын 24 күнүттэн саҥа ый үүнэр кэмэ

От ыйын 24 күнүгэр саҥа ый үүнэр кэмэ. Бу — олоххо саҥа кыахтары арыйар, уларыйыылары киллэриэн сөптөөх суолталаах астрологическай түбэлтэ.

Бу астрологическай түбэлтэ Хахай бэлиэтигэр буолуоҕа. Хахай дьайыыта дьону ордук хорсун буоларга, баҕа санааларын ситиһэргэ уонна бэйэлэрин көрдөрөргө көҕүлүөҕэ. Бу кэмҥэ эспиэрдэр инникини торумнуурга уонна баҕа санаа сыалын ситиһэргэ бастакы хардыылары оҥорорго сүбэлииллэр. Саҥа ый үүнэрин кэмигэр 48 чаас устата дьикти уонна ураты  кэм үөскүүр. Киһи баҕа санаатын толорорго кыах бэриллэр. Саҥа ый үүнүүтэ тугу эмит арыйарга, араас саҥа сыалы-соругу туруорунарга, баҕа санааны буларга көмөлүүр диэн суруйаллар.

Саҥа ый үүнүүтэ киһи олоҕор хайдах дьайарый? Ый халандаара туох суолталааҕый?

Суолтата

Киһи 70-80% ууттан тутулуктаах, мас-үүнээйи ый хаамыытынан үүнэр, муора уутун түһүүтэ уонна тахсыыта эмиэ ый күүһүнэн хамсыыр. Ол иһин ый халандаарынан салайтарар эмиэ оруннаах суолталаах буолар эбит. Алгыстар, улахан тэрээһиннэр, уруулар, малааһыннар, саҥа саҕалааһыннар ый үүнэригэр оҥорор ордук эбит, онтон ый өлүүтүгэр ыраастанар ордук.

Ону кытта саҥа ый үүнэр кэмигэр оҕуруокка үлэлииргэ табыгастаах кэм. Бу кэмҥэ Ый саамай кыра фазатыгар сылдьар, онон үүнээйилэр сир аннынан күүскэ сайдан бараллар.

Оҕуруоччуттарга сүбэлэр

• — Бу кэмҥэ силиһинэн үүнэр үүнээйилэри, холобур, чосунуогу уонна луугу олордуохха сөп.
• — Сыыс оту үргээһиҥҥэ уонна буору көбүтүүгэ болҕомтото ууруҥ. Бу үүнээйи силиһигэр кислород киириитин тупсарыаҕа уонна үүнүүтүн түргэтэтиэ.
• — Саҥа ый кэмигэр үүнээйилэри органическай уоҕурдууларынан аһатыыны күүһүртэххэ, кэлэр кэмҥэ ордук үчүгэйдик сайдыахтара.

Норуот билгэлэрэ

• — Этиҥ эттэҕинэ, сарсыныгар балык үчүгэйдик хабар.
• — Ооҕуй ситимин ортотугар олордоҕуна – ардах түһүө.
• — Оҕуруокка сиик элбэх буоллаҕына – оҕурсу уонна помидор үүнүүтэ мөлтүө.
• — Күннээх күн – бурдук үчүгэйдик үүнүөҕэ.
• — Быпдах элбээтэҕинэ, күһүн тэллэй дэлэй буолуоҕа.
• — Ынах тыла уу үрдүгэр таҕыстаҕына – күн-дьыл туруга биллэрдик мөлтүөҕэ.