От ыйын 28 күнэ: быстах ардах, сорох сиринэн самыыр

Бүгүн, от ыйын 28 күнүгэр, хотугулуу-арҕаа, хотугулуу-илин, Халыма-Индигиир улуустарыгар сөҥүүтэ суох күн-дьыл туруоҕа, атын улуустарынан быстах ардах, оттон Уус-Маайа, Сунтаар, Ньурба, Мииринэй, Ленскэй улуустарыгар сорох сиринэн самыыр, этиҥнээх ардах түһүөҕэ.

Бу туһунан Саха сиринээҕи Гидрометкиин сулууспатын пресс-сулууспата иһитиннэрэр.

Силлиэ тыал этиҥнээх ардах кэмигэр сөкүүндэҕэ 15-20 м. түргэннээх күүһүрүөҕэ.

Салгын температурата түүн +12…+17°, арҕаа өттүгэр ардах кэмигэр +9…+14°, күнүс +18…+23°, хотугулуу-илин +27…+32°, соҕуруулуу-арҕаа, арҕаа өттүгэр ардах кэмигэр +13…+18° кыраадыс сылаас.

Дьокуускайга түүн сөҥүүтэ суох, күнүс быстах ардахтыыр, тыал соҕурууттан сөкүүндэҕэ 5-10 м. түргэннээх, салгын температурата түүн +13…+15°, күнүс +21…+23° кыраадыс сылаас.