От ыйын 30 күнэ: куйаас, күнүс +31° С

Саха сиринээҕи Гидрометеосулууспа саайта иһитиннэрэринэн, бүгүн, от ыйын 30 күнүгэр, өрөспүүбүлүкэ арҕаа, соҕуруу өттүгэр кыралаан быстах ардыыр, оттон соҕуруу уонна хотугулуу-илин улуустарыгар  орто күүстээх ардах түһүөҕэ.

Соҕуруу уонна хотугулуу-илин эҥээр өттүгэр сорох сиринэн этиҥнээх ардах түһүөҕэ. Сиккиэр тыаллаах, Арктика улуустарыгар сорох сиринэн тыала сөкүүндэҕэ 15-17 м/с, оттон соҕуруу уонна этиҥнээх ардах кэмигэр сөкүүндэҕэ 15-20 м. диэри күүһүрүө.

Салгын температурата түүн +9…+14°, хотугулуу-арҕаа, хотугулуу-илин сорох сиринэн +4…+9° кыраадыс. Күнүс +22…+27°, ардахтаахха +15…+20°. Хотугулуу-илин уонна Халыма-Индигиир улуустарыгар +26…+31°, байҕал кытылыгар +4…+9° кыраадыс сылаас.

Дьокуускайга сөҥүүтэ суох, тыал илинтэн сөкүүндэҕэ 3-8 м. түргэннээх. Салгын температурата түүн +11…+13°, күнүс +24…+26° кыраадыс сылаас.