Аксиния Шестакова
Синоптиктар иһитиннэрбиттэринэн, бүгүн, от ыйын 6 күнүгэр, өрөспүүбүлүкэ соҕуруулуу-арҕаа, соҕуруу, хотугулуу-илин өттүгэр, ону тэҥэ киин улуустарга сорох сиринэн кыралаан ардыыр уонна дохсун ардахтар түһүөхтэрэ.
Алдан, Нерюнгри уонна Өлүөхүмэ улуустарын олохтоохторугар сорох сиринэн күүстээх самыыр, этиҥ ардах түһэрэ күүтүллэр, тыал түргэнэ сөкүүндэҕэ 15-20 м/с тиийэ күүһүрүөҕэ. Эдьигээн улууһугар тыал күүһэ сөкүүндэҕэ 15-17 м/с тиийиэҕэ.
Түүн салгын температурата хоту уонна арҕаа +6° диэри түһүөҕэ, оттон соҕуруу уонна киин улуустарга +11…+16° кыраадыс сылаас буолуоҕа. Хотугулуу-арҕаа улуустарга халлаан сырдаатаҕына 0…+5° диэри хаһыҥ түһүөн сөп.
Күнүһүн +17…+22° сылаас буолара күүтүллэр, ол гынан баран хоту уонна ардахтаах сирдэргэ сөрүүн буолуоҕа — +11…+16° кыраадыс сылаас.
Дьокуускайга түүнүн уонна сарсыарда кыра ардах түһүөн сөп, тыал илинтэн — сөкүүндэҕэ 3-8 м/с түргэннээх. Күнүһүн салгын температурата +22° диэри сылыйыа, түүнүн — +14…+16° кыраадыс буолуоҕа.
Аан дойдуну атыйахтаах уу курдук аймаабыт II Аан дойду сэриитин Кыайыытын 80 сыла. Хас биирдии…
Бүгүн Ытык Таатта сиригэр XXII Манчаары оонньуулара саҕаланаллар. Таатталар бары бу тэрээһин үрдүк таһымҥа ааһарын…
Ааспыт өрөбүл күннэргэ Дьокуускайга 19 суол быһылаана тахсан, 7 киһи араас эчэйиини ылла. Бэс ыйын…
Соторутааҕыта социальнай ситимнэринэн Алдан оройуонун олохтооҕо Рябиновай үрэх киртийбитин видеоҕа устан тарҕаппыта, ол түмүгүнэн бэрэбиэркэ…
Байыаннай дьайыы бэтэрээнэ, Аҕа дойдуну көмүскээччилэр куубактарын Бүтүн Арассыыйатааҕы финалын призера, Саха сирин олохтооҕо Алексей…
Айылҕа ураты харыстанар сирдэригэр дьиикэй кыыллары, үүнээйилэри, эбэтэр атын да уларыйыылары кэтээн көрөргө хаартыскаҕа түһэрэр…