От ыйын күнүн-дьылын билгэтэ

Ый икки самыырдаах. Ый бүтүүтүн эргин от сыырар (сиэмэтэ көтөр) тыала түһэр. Ый алтыһыыта суох.

Ый билгэтэ:

3 — ардахтаатаҕына, 40 хонук түһэр.

6 — эмтээх оту хомуйуу саҕаланар.

10 — ардах түстэҕинэ, 14-кэ диэри ардыыр. Түспэтэҕинэ — кураан.

12 — Бөтүрүөп ардаҕа.

25 — сиик түһүүтэ элбэх буоллаҕына, ол күн кураан буолар.

26 — Борокуопайап ааһыар диэри кэҕэ эттэҕинэ, үчүгэй сайын турар.

От ыйын туомнара:

Сир иччитин олордуу. Сир иччитэ Аан Алахчынтан алгыс ылар. От ыйын 2-3 күннэригэр буолар. Ынаҕы сибэккинэн киэргэтэллэр.

Хотууру уулатыы. От ыйын 12-с күнүгэр отчуттарга анаан оҥоһуллар. Отчуттарга алгыс этэллэр.

Отоһут домо. От ыйын 7  күнүн диэки буолар. Эмтээх оту хомуйар дьоҥҥо аналлаах.

Саха ыалын халандаара, 2025 сыл.

«Айар» кинигэ кыһата.