Хаартыска: ЯСИА
От ыйын 1 күнүттэн Арассыыйа үрдүнэн уот төлөбүрүн тарыыба 12,6% индексацияланар, оттон 2026 сыл от ыйыттан — 9,3%. Бу туһунан РФ Экэнэмиичэскэй сайдыытын министиэристибэтин чахчыларыгар тирэҕирэн, Госдуумаҕа Тутууга уонна ОДьКХ кэмитиэтин бэрэссэдээтэлин бастакы солбуйааччыта Владимир Кошелев иһитиннэрдэ.
«Уот тарыыба нэһилиэнньэҕэ быйыл от ыйын 1 күнүттэн 12,6% индексацияланар, оттон 2026 сыл от ыйыттан — 9,3%. 2027 сылга нэһилиэнньэҕэ уот тарыыба 6,9%-ҥа тэҥнэһиэ, 2028 сылтан – 4,9%. Маннык чахчылары РФ Экэнэмиичэскэй сайдыытын министиэристибэтэ иһитиннэрдэ», — диэн Кошелев РИА Новости биллэрдэ. Кини этэринэн, сыана үрдээһинэ саҥа тутуулары үбүлүүргэ уонна уотунан хааччыйыы тарыыба үрдээһинин кытта сибээстээх. Санаттахха, бу иннинэ Саха сиригэр 2025 сыл от ыйыттан ОДьКх тарыыба 13% үрдүүрүн туһунан СӨ Бырабыыталыстыбатын бэрэссэдээтэлин солбуйааччы Кирилл Бычков Ил Түмэҥҥэ пленарнай мунньах кэмигэр биллэрбитэ. Оттон Арассыыйа үрдүнэн ОДьКХ тарыыба ортотунан 11,9% үрдүөҕэ. Маннык быһаарыы дойду бырабыыталыстыбатын ылыныллыбыта уонна сүрүн хомунаалынай өҥөлөр төлөбүрдэрин таарыйар – гаас, уот, уу уонна ититии.
Тыгын Дархан пааматынньыга постаменын кытта 4 миэтэрэ 30 см үрдүктээх. Бүгүн Хаҥалас улууһугар ытык Куллаты…
Саха сиригэр байыаннай дьайыы бэтэрээннэрэ буолбут урбаанньыттары өйүүр кэккэ миэрэлэр олоххо киирэллэр. Федеральнай уонна эрэгийиэннээҕи…
Дьокуускайга ааспыт суукка устата сураҕа суох сүппүт алта киһи булулунна. Бу туһунан ИДьМ пресс-сулууспата иһитиннэрэр. …
Бүгүн, алтынньы 16 күнүгэр, И.Е. Винокуров аатынан Намнааҕы педагогическай кэллиэскэ профессиональнай үөрэх тэрилтэлэрин ортолоругар «Сыл…
«Дальний Восток — Земля приключений» куонкурус үһүс сезонун биэс ыйдааҕы түмүгүнэн, дьүүллүүр сүбэ көрүүтүгэр 352…
Былырыын Хэбэй акробатическай (цирковой) ускуустуба оскуолата Саха сириттэн 20 оҕону ылан үөрэтэргэ сөбүлэҥин биэрбитэ. Пекиннээҕи…