«Отгул» туһаныллыбатаҕына, харчынан толуйуу бэриллиэхтээх

 Үлэһит «отгулун» туһаммакка хаалбыт буоллаҕына, үлэни биэрээччи булгуччу толуйуу харчытын (компенсация) төлүөхтээх. Бу туһунан сокуону Госдуума балаҕан ыйын 24 күнүгэр иккис ааҕыытыгар  ылынна.

Бу уларыйыы Үлэ кодексын 153-с ыстатыйатыгар сыһыаннаах. Сокуон ирдииринэн, үлэһит өрөбүл уонна бырааһынньык күннэригэр үлэлээтэҕинэ, күннээҕи хамнаһа үрдээбит тарыыбынан төлөнөр, эбэтэр, «отгул» бэриллиэхтээх.

Үксүгэр үлэһиттэр бу «отгул» ылар бырааптарын туһаммакка хаалаллар, оттон үлэни биэрээччи ону харчынан толуйар санаата суох. Саҥа сокуон бу балаһыанньаны сыыһанан ааҕан, үлэни биэрээччи толуйуу харчытын булгуччу биэрэрин ирдээтэ диэн «Парламентская газета» суруйар.