Оттооһун былаанын кимнээх толорбуттарый?

Кыстыыр отунан хааччыллыы урут даҕаны, билигин даҕаны тыын боппуруос. СӨ Тыатын хаһаайыстыбатын уонна ас-үөл бэлиитикэтин министиэристибэтин Үүнүүнү ылыыга департамена иһитиннэрэринэн, алтынньы 2 күнүнээҕи туругунан, 411415 туонна от соҕотуопкаламмыт.

Бу ылыныллыбыт былаан 97 быр. тэҥнэһэр. Мобильнай биригээдэлэр 33322 туонна оту чөкөппүттэр.

Оттооһун былаанын маннык улуустар толорбуттар: Амма (111 %), Үөһээ Бүлүү (100 %), Мэҥэ Хаҥалас (102 %), Нам (101 %), Ньурба (100 %), Өлүөхүмэ (114 %), Уус Алдан (101 %) уонна “Жатай куораттааҕы уокурук (129 %). Ону тэҥэ тыа хаһаайыстыбатын үлэһиттэрэ 28664 туонна сиилэһи (119 быр.) уонна 14293 туонна сенаһы (106 быр.) бэлэмнээтилэр.