Хаартыскаҕа С.Андреев түһэриитэ
Бүлүү улууһугар “1 Тоҕус нэһилиэгин” Тыымпы сэл. “Сырдык Уулаах” сайылыгар СӨ Тыатын хаһаайыстыбатын уонна аска-үөлгэ бэлиитикэтин министиэристибэтин, «Сахаагроплем» ГБТ, Бүлүү улууһун дьаһалтатын, тыатын хаһаайыстыбатын департаменын уонна «Тыымпы» ПК тэрийиилэринэн үрдүк тэрээһиннээхтик ыытыллыбыт зоотехник-селекционердар өрөспүүбүлүкэтээҕи үһүс куонкурустарын кэмигэр оттооһун хаамыытын туһунан эмиэ бэрт элбэх сонуну иһиттибит.
Бүлүү улууһун тыа хаһаайыстыбатын департаменын салайааччыта Павел Иннокентьев этэринэн, улууска оттооһуҥҥа суһал ыстаап тэрийбиттэр. Орто Бүлүү нэһилиэктэрин баһылыктарын кытта мунньахтаабыттар. Былаан төһө туолуон сөбүн сабаҕалааһын оҥоһуллубут. Былаантан 80 % толорор инибит диэн ааҕыммыттар. Ол эрээри сорох нэһилиэктэргэ үүнүү үчүгэй буолан, олор былааннарын толороллоругар эрэллээхтэр.
Чурапчытааҕы тыа хаһаайыстыбатын управлениетын салайааччытын солбуйааччы Константин Ильин Бүлүүгэ куонкуруска кэлэ таарыйа Нам улууһугар Бөтүҥ нэһилиэгэр сылдьан, оттуур сир көрдөөбүт. Бу нэһилиэккэ чурапчылар 2022 с. оттообут буолан, сирин-уотун бэркэ билэллэр. Константин Анатольевич этэринэн, Чурапчы улууһугар үрэх сүнньүнэн сытар нэһилиэктэргэ от син үүммүт. Атыттарга бэрдэ суох. Оттооһуҥҥа балаһыанньа кытаанаҕынан 43 мобильнай биригээдэни тэрийэргэ быһаарбыттар. Итинтэн 21-рэ улуус иһигэр, 22 – улуус тас өттүгэр оттуохтара.
Сунтаар улууһунааҕы тыа хаһаайыстыбатын управлениетын салайааччытын солбуйааччы Григорий Готовцев этэринэн, бу улуус 32000 туонна оту бэлэмниэхтээх, 3800 т сиилэһи угуохтаах. От үүнүүтэ куһаҕана суох эрээри, Сиэйэҕэ уонна Элгээйигэ аһыҥка бэлиэтэммит.
Ити курдук, улуустар оттооһуҥҥа кииритэлээн эрэллэр. Сүөһү аһылыгын бэлэмнээһиҥҥэ сылы туоруур эппиэттээх күннэр үүннүлэр.
ИДьМ сулууспатын 1 №-дээх полициятын отделын дьуһуурунай чааһыгар куорат таһынааҕы олохтооҕо тыллаабыт. Эр киһи массыыната…
Cаҥа дьылы кэтэһии бырааһынньыктааҕар ордук үчүгэй, күүтүүлээх, күндү курдук буолар. Оннук күндү кэтэһиини биһиги бэйэбит…
Ил Дархан Айсен Николаев бэрэссэдээтэллээх “Кыайыы туһугар бииргэ!” өрөспүүбүлүкэтээҕи хамыыһыйа мунньаҕар, байыаннай дьайыыга кытта сылдьар…
Ааспыт нэдиэлэҕэ Хотугулуу-Илиҥҥи федеральнай университекка үрдүк үөрэх кыһатын мэдиссиинэ институтун бэрэстэбиитэллэрэ үөрэххэ туттарсааччылары, төрөппүттэри, педагогтары…
Айсен Николаев Саха сирин норуоттарын муусукатын уонна фольклорун түмэлигэр РФ култууратын үтүөлээх үлэһитэ, өрөспүүбүлүкэ норуотун…
ИДьМ сулууспатын Сунтаар улууһун отделын холуобунай ирдэбил үлэһиттэрэ 24 саастаах олохтоох киһи баантан харчыны уорбутугар…