Оттооһун үмүрүйэр

Оттооһун үлэтэ үмүрүйдэ диэххэ сөп. Сыспай сиэллээх, хороҕор муостаах баайбытын кыстыгы этэҥҥэ туоратар туһугар Саха сирин отчуттара кыахтара тиийэринэн, күргүөмнээхтик үлэлээтилэр. Бу нэдиэлэтээҕи түмүгүнэн, 404878 туонна от кэбиһилиннэ.

Өрөспүүбүлүкэҕэ тэриллибит мобильнай биригээдэлэр 30305 туонна оту чөкөттүлэр.

СӨ Тыатын хаһаайыстыбатын уонна аска-үөлгэ бэлиитикэтин министиэристибэтин Үүнээйини ылыыга, сир үлэтигэр уона мелиорацияҕа департамена иһитиннэрэринэн, бу кэмнээҕи туругунан былаан 93 %  туолан иһэр. Ону тэҥэ былырыыҥҥы кур от баар (37 тыһ. туонна). Онон кыстыгы сүөһүнү-аһы этэҥҥэ туоратар кыахтаахпыт диэн этэллэр.