sakha.gov.ru
Ньургустаана Петрова мэдиссиинэ сиэстэрэтинэн үлэлээбитэ отуттан тахса сыл буолла.
Байыаннай дьайыы буола турар сиригэр 2024 сыл ахсынньытыттан 2025 сыл бэс ыйыгар диэри сырытта. Кини хорсун быһыыны, үрдүк професионализмы көрдөрөн «За спасение жизни» уонна «Байыаннай дьайыы кыттыылааҕа» мэтээллэринэн наҕараадаламмыта.
2024 сыллаахха ахсынньыга бэйэтин баҕатынан хантараакка илии баттаабыта. СӨ Доруобуйа харыстабылыгар туйгуна байыаннай дьайыы буола турар сиригэр биир дойдулаахтарыгар — байыастарга көмөлөһөр, билиитин-көрүүтүн, үлэҕэ үөрүйэҕин туһанар соруктаах барбыта. Байыаннай бэлэмнэниини ааспытын кэнниттэн, Арҕааҥҥы байыаннай уокурук 1 Гвардейскай танковай аармыйатыгар, «Барс-2» добровольческай батальоҥҥа мэдиссиинэ сиэстэрэтинэн ыыппыттара.
—Байыастар көмөҕө наадыйаллар диэн сүрэхпинэн сэрэйэрим. Бааһырбыт киһиэхэ бастаан көмөлөһөрбөр, көмөм, үлэм суолтатын дириҥник өйдөөбүтүм. Мэдиссиинэ көмөтүн эрэ оҥоруунан муҥурдаммакка, байыастарга өй-санаа өттүнэн көмөлөһүөхтээххин, кинилэр туруктарын бөҕөргөтүөхтээххин, өйөбүл буолуохтааххын, — диэн Ньургустаана Григорьевна саныыр. — Байыастар биһигини наһаа харыстыыллара уонна барытыгар көмөлөһөллөрө. «Серп» диэн позывнойдаах байыас, худуоһунньук бэйэтин уруһуйун миэхэ бэлэхтээбитэ.
Нюргустаана Петрова олохтоохтор тустарынан эмиэ истиҥник, сылаастык ахтар-саныыр.
—Биһиги санитарнай чааспыт баар дэриэбинэтигэр 14 оҕолоох ыал олороро. Кыра уоллаах кыыһы наһаа сөбүлээбиппит. Ааттарын Мииса уонна Мааса диэччилэр. Оттон биһиги кинилэри «сэрии оҕолоро» диирбит. Чуумпурбут кэмҥэ оҕолор биһиэхэ сүүрэн кэлээччилэр, онно минньигэһинэн күндүлээччибит, — диир Ньургустаана Петрова.
Сайын саҕаланыыта, Ньургустаана Григорьевна хантараага бүтэн, тапталлаах Тааттатыгар кэлбитэ.
—Дойдубар «Манчаары оонньууларын» баттаһа кэлбиппиттэн наһаа үөрбүтүм. Далааһыннаах тэрээһин үөрүүлээх арыллыытыгар уонна түмүгэр кыттыыны ылбытым, — диэн кэпсиир.
Ньургустаана дойдутугар эргиллэн кэлэн баран «Аҕа дойдуну көмүскээччилэр» пуонда филиалыгар сылдьыбыт. Социальнай координаторынан Полина Дедюкина анаммыт. Байыаннай дьайыы кыттыылааҕа кэлим өйөбүлү ылбыт, ол иһигэр үлэнэн хааччыллыбыт. Кини билигин «Берегиня» дьиэ кэргэҥҥэ оҕону иитиигэ көмөлөһөр кииҥҥэ мэдиссиинэ сиэстэрэтинэн үлэлиир.
Сиһилии: https://www.sakha.gov.ru/news/14869
СӨ Ил Дарханын уонна Бырабыыталыстыбатын пресс-сулууспата
Саха сирин амарах, үтүө санаалаах дьоно тиһигин быспакка анал байыаннай дьайыыга сылдьар, госпиталларга сытар биир…
Мэҥэ Хаҥалас улууһугар Аллараа Бэстээх сэлиэнньэтигэр учаастактааҕы балыыһа үөрүүлээх аһыллыыта буолла. 1200 кв. миэтэрэттэн тахса…
Амма улууһун Олом Күөлүн эргин ардай аһыылаах бөрөлөр баалларын туһунан “Наахара” бааһынай хаһаайыстыбатын баһылыга Егор…
Хаҥалас улууһугар дьахтар бииргэ олорор эр киһитин быһаҕынан анньан эчэтэн, холуобунай дьыала тэрилиннэ. Биир сарсыарда…
Өксөкүлээх Өлөксөй аатынан Норуоттар доҕордоһууларын дьиэтигэр «НовоГОДний лабиринт МультиВСЕленной» диэн оҕо тыйаатырын туруоруутун көрдөрдүлэр. Манна…
Ааһан эрэр 2025 сылы туһанааччылар иэһэ суох түмүктүүллэрин туһугар “СӨ ОДьКХ” ГУП Саҥа дьылы көрсө…