Афишаттан скрин
Бүгүн, ыам ыйын 28 күнүгэр, «Быки холода. Возвращение» документальнай киинэ сүнньүнэн өрөспүүбүлүкэтээҕи медиа-кииҥҥэ пресс-кэмпириэнсийэ буолла. Режиссер Марина Калининаны кытта Саха сирин учуонайдара кытыннылар.
Биологическай ресурсалар департаменын кылаабынай исписэлииһэ Андрей Попов Саха сиригэр овцебыктары уонна бизоннары олохсутуу уопутун кэпсээтэ. Кини этэринэн, бу кыыллар ахсааннара 8000 тиийбит. Ол эрээри ахсааннара мантан да элбэх буолуон сөп.
«Биологическай ресурсалар, айылҕа ур аты харыстанар сирдэрин-уоттарын уонна айылҕа пааркаларын дириэксийэтин» биология ресурсаларыгар управлениетын начаалынньыга Сергей Егоров бу улахан экология бырайыагар бэйэлэрин кыһамньыларын ууран үлэлээбит дьону аҕынна. Овцебыктары тутан ылыы бастакы уопутун хайдах ааспыттарын, сөмөлүөтүнэн көтүтүү туһунан кэпсээтэ. Ити курдук, бастакы партия кэлиититтэн саҕалаан бу кыыллары олохсутууга үөрүйэхтэммиттэр. Онон, бу бырагырааманы кыайар кыах баарыгар эрэл үөскээбит. 190 овцебык Саха сиригэр ыытыллыбыт.
Эһиил бу кыыллары Саха сиригэр ыытыы үбүлүөйүн бэлиэтиэхтэрэ. Сергей Семенович ойуур бизоннарын 4 партиятын босхо ылбыт дойдунан буоларбытын аҕынна.
Киинэ оператора этэринэн, бу киинэни кыһын устубуттара олус уустугун бэлиэтээтэ. Чокуурдаахха овцебыктары буранынан көрдөөбүттэр. «Олус тымныы этэ, бэл, буурҕаҕа түбэспиппит»,— диир Серафим. Камераларын сылыта-сылыта үлэлээн, бэрт интэриэһинэй каадырдары устубуттар.
2008 сылтан 150 бизон ньирэйэ төрөөбүт.
Экология бэтэрээнэ Любовь Киприянова бизонарий миэстэтин хайдах талбыттарын, 2006 сылга бастакы бизоннар Аляскаттан кэлбиттэрин кэпсээтэ . Бастакы үлэһиттэринэн Хачыкаат олохтоохторо буолан, бизоннарга от-мас бэлэмнээбиттэр. Киинэ уһуллуутугар Ф.Ю. Луковцев улахан көмөтүн бэлиэтээтилэр.
Модератор Яна Байгожаева саҥа документальнай киинэни сарсын, ыам ыйын 29 күнүттэн, тыйаатырдарга оҕолоргутун илдьэ кэлэн көрүҥ диэн ыҥырда.
Сэтинньи – саха саамай сүгүрүйэр ыйа. Булт-алт Байанай ыйа олус үөрүнньэҥ, кэһии биэрэр курдук саныыра.…
Бэҕэһээ Мэҥэ Хаҥалас улууһугар, Тараҕай нэһилиэгин Уол Табаҕа Эбэтигэр, «ТОЙОН МУҤХА-2025» үрдүк тэрээһиннээхтик ыытыллынна. - Эбэбит…
Сахаларга “күһүҥҥү киһи күлбүтүнэн” диэн бэрт дириҥ өйдөбүллээх өс хоһооно баар. Биллэн турар, ити өс…
Сэтинньигэ кыһын хайдах буолуон, саас хойутуон дуу, эрдэлиэн дуу быһаараллар. Сэтинньини ыам ыйа батыһар. Миитэрэйэп…
Тымныы түһэн, тумуу элбээн, дьон ыалдьара элбээтэ. Оҕолор уһуйааннарга, оскуолаларга баран, сыстыһан кэлэллэр. Маныаха күүстээх…
Дьокуускай куоракка эр киһи өлүүтүнэн холуобунай дьыала көбүтүлүннэ. Бу туһунан СӨ Силиэстийэлиир кэмитиэтэ иһитиннэрдэ. 2025…