Ozon «Сделано в Якутии» витринаны арыйда

Ozon «Сделано в Якутии» витринаны арыйда. Манна Саха сирин оҥорон таһаарааччыларын табаардара көстүөхтэрэ: аксессуардар, ювелирнай оҥоһуктар, оҕо табаардара, ас-үөл. Саҥа салаа эрэгийиэннээҕи урбаанньыттары өйүүр диэн СӨ Урбааҥҥа министиэристибэтэ иһитиннэрэр.

СӨ Урбааҥҥа, эргиэҥҥэ уонна туризмҥа миниистирэ Тимур Ханды бэлиэтииринэн, витрина өрөспүүбүлүкэ национальнай истиилин тутуһан оҥоһуллубут.

«Саха сирин урбаанньыттарын бородууксуйаларын билиһиннэрэр кыаҕынан буолар. Урбааны өйүүр судаарыстыбаннай структуралар оҥорон таһаарааччыларга электроннай былаһааккаларга тахсалларыгар көмөлөһөллөр», — диир миниистир.