Хаартыска: Елена Потоцкая.
Ыам ыйын 7 күнүгэр — Арассыыйаҕа Араадьыйа күнүгэр Дьокуускайга сибээс уонна сонуну киэҥник тарҕатар эйгэҕэ үлэлиир дьоҥҥо өрөспүүбүлүкэ сайдыытыгар кылааттарын иһин судаарыстыбаннай уонна биэдэмистибэ наҕараадаларын туттардылар.
СӨ Бырабыыталыстыбатын бэрэссэдээтэлин солбуйааччы Анатолий Семенов сибээс үлэһиттэрин устуоруйаҕа уонна билиҥҥи кэмҥэ оруолларын тоһоҕолоото.
Кини бырамыысsланнас бэтэрээннэрин, ол иһигэр Николай Волковы, 1945 сыллаахха Германия капитуляциятын биллэрэргэ сибээс лиинийэтин тардыыга көмөлөспүт Саха сирин олохтооҕун ахтан ааста. Бэрэссэдээтэли солбуйааччы өссө аныгы үйэ исписэлиистэрэ, ол иһигэр анал байыаннай эпэрээссийэҕэ кыттыбыт дьон кылааттарын бэлиэтээтэ.
Сибээс уонна информационнай технология эйгэтигэр сыл аайы туттарыллар П.И. Дудкин аатынан судаарыстыбаннай бириэмийэ «АрктикТелеком» АУо Киин тиһигин 1-кы разрядтаах сибээс инженеригэр Мирослав Борисовка туттарылынна.
— Биһиги, өрөспүүбүлүкэ связистара, «Электронная Якутия» бырагырааманы, «СахаИнформ-Сеть» ситими оҥоруу, Дьокуускайы магистральнай оптическай линияларга холбооһун, суһал иһитиннэрии систиэмэтин олоххо киллэрии уонна цифровой телевизионнай биэриигэ көһүүнү түмүктээһин курдук бырайыактары олоххо киллэрдибит. Бүгүҥҥү күҥҥэ Арктика зонатыгар сибээс инфраструктуратын сайыннарыыга саҥа улахан бырайыактары олоххо киллэрии, федеральнай трассалары мобильнай радиотелефон сибээһинэн хааччыйыы, намыһах орбиталаах спутниковай сибээс систиэмэлэригэр кэскиллээх бырайыактары олоххо киллэрэргэ сирдээҕи инфраструктураны тэрийии боппуруостара сорук быһыытынан тураллар. Онон сибээс эппиэттээх исписэлиистэрэ саҥа соруктары ситиһиилээхтик толороллоругар уонна өрөспүүбүлүкэбит сибээһин сайдыыта саҥа таһымҥа тахсарыгар бигэ эрэллээхпин, — диэн бэлиэтээтэ Социалистическай Үлэ Дьоруойа П.И. Дудкин аатынан судаарыстыбаннай бириэмийэ лауреата Мирослав Борисов.
Саха сиригэр Беларусь өрөспүүбүлүкэтиттэн тырааныспар-логистическай сибээһи сайыннарыы бырайыагын чэрчитинэн тимир суол саҥа маршрутунан бастакы таһаҕастар…
Ил Дархан Айсен Николаев бүгүн, атырдьах ыйын 29 күнүгэр, "Якутия, вперед!" биэриигэ ый түмүктэрин таһаарда.…
Нерюнгри оройуонун Улахан Хатымы сэлиэнньэтин таһыгар сүппүт эр киһини буллулар. Тыыннаах, мэдиссиинэ көмөтүгэр наадыйбат диэн…
Эдьигээн улууһугар Бэстээх уонна Сангаар икки ардыгар өрүскэ тайаҕы көрбүттэр. Василий Аполлонов видеоҕа устуута: https://t.me/ysiaru/87745
АРТ Киэргэ сонун бренд «Киэргэ» ювелирнай дьиэтин саҥа тыыннаан, атырдьах ыйын 25-28 күннэригэр Санкт-Петербурга ыытыллыбыт…
Түргэн тэтимнээх үйэҕэ кофета суох дьон сатаммат. Кофе буортулаах дииллэр. Ордук саастаах араҥаҕа уонна оҕолорго.…