Дьокуускайга полиция үлэһиттэрэ Дежнев уонна Абакаяда пааматынньыктарын алдьатыыга уорбаланар дьону туттулар. Бу Хаҥалас улууһуттан төрүттээх 34 уонна 36 саастаах дьон эбит. Биирэ наркотигы кытары сибээстээх буруйу оҥорууга сууттана уонна түөкүннээһиҥҥэ Холуобунай эппиэтинэскэ тардылла сылдьыбыт киһи диэн ИДьМ пресс-сулууспата иһитиннэрэр.
Тохсунньу 9 күнүгэр полицияҕа Семен Дежнев пааматынньыгын алдьаппыттарын туһунан иһитиннэрии киирбитэ. Вандаллар пааматынньыгы 2022 сыл ахсынньы 26 күнүн түүнүгэр алдьаппыттара биллибитэ.
Уорбаланар дьон кэпсээбиттэринэн, кинилэр бу иннинэ чугастааҕы эрэстэрээҥҥэ аһаабыттар-сиэбиттэр. Ол кэнниттэн итирик туруктаах сылдьан, үлэлиир сирдэригэр анаан-минээн баран, электроинструмент ылбыттар уонна пааматынньыкка төннөн кэлэн, скульптура муннун эрбээн кэбиспиттэр. Өссө биирэ билиммитинэн, илиитин эрбиэн баҕарбыт үһү да, кыайбатах.
Билигин уулуссаларга, тэрилтэлэргэ күнүстэри-түүннэри холбонон турар, кэтээн көрөр камералар элбэхтэр. Онон буруйу оҥоруу, вандализм таах хаалбат. Буруйдаахтар сөптөөх эппиэккэ тардыллыахтара. Оттон пааматынньыгы чөлүгэр түһэриэхтэрэ.
Бүгүн Дьокуускайга «Патриот» ыччат киинин үөрүүлээх аһыллыыта буолан ааста. Бу аныгы кэм ыччатын сайдар, үүнэр,…
Бүгүн Саха сиригэр бастакы Уһук Илиҥҥэ биир бөдөҥ элбэх функциялаах «Патриот» ыччат киинэ үөрүүлээх быһыыга-майгыга…
Бүгүн Саха сиригэр бастакы элбэх функциялаах «Патриот» ыччат киинэ аһылынна. Бу киин Уһук Илиҥҥэ биир…
СӨ Бырабыыталыстыбатын Бэрэссэдээтэлин бастакы солбуйааччы Дмитрий Садовников ыксаллаах быһыыга-майыга түбэспит дьону көрдүүр-быыһыыр үлэлэр статистикаларын туһунан…
Норуодунай фронт эрэгийиэннээҕи салаатын үлэһитэ Дмитрий Паньков этэринэн, Арассыыйа Бэрэсидьиэнэ ыыппыт быһа кэпсэтиитигэр Саха сириттэн…
Өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III Сийиэһэ ахсынньы 17 күнүгэр саҕаланар. III Сийиэс бырагыраамата…