Хаартыска: ЯРО ВООПИК архыыбыттан
Бүгүн СӨ бырабыыталыстыбатын бэрэссэдээтэлин солбуйааччы Сергей Местников салайыытынан Култуурунай нэһилиэстибэ эбийиэктэрин харыстыыр управление 2025 сыллааҕы үлэтин түмүгүн көрдүлэр.
Сергей Местников этэринэн, былырыыҥҥы сыл түмүгүнэн материальнай култуураны харыстыырга балачча суолталаах сыл буолан ааспыт. Хас да улууска пааматынньыктары чөлүгэр түһэрэр үлэлэр ыытыллыбыттар. Холобур, Покровскай куоракка Серго Орджоникидзе олорбут, үлэлээбит дьиэтэ федеральнай үбүнэн сөргүтүллэн, түмэл быһыытынан үлэлии турар. “Сохраним памятники” диэн Ил Дархан киллэрбит көҕүлээһининэн олохтоох дьон, тэрилтэлэр кыттыһан баар пааматынньыктары сөргүтэр үлэлэр бара тураллар.
“Саха сирин устуоруйатын уонна култууратын пааматынньыгын каталога оҥоһулунна, эбийиэктэр бары түмүлүннүлэр. Быйыл муус устарга аан дойдутааҕы пааматынньыктары харыстыыр күҥҥэ телемарафон ыытыахпыт. Онно киирбит харчынан улуустарга баар историческай суолталаах эбийиэктэри сөргүтээри гынабыт”, — диэтэ Сергей Местников.
Култуурунай нэһилиэстибэ эбийиэктэрин харыстыыр управление салайааччыта Николай Макаров:
“Биһиги быйыл 17 археологическай суолталаах, ытык сирдэри харыстабылга ыллыбыт. “Сохранить памятники” бырайыагынан барыта 16 пааматынньыгы реставрациялаатыбыт, ордук Кыайыыга анаммыт өйдөбүнньүктэргэ болҕомтобутун уурдубут.
Быйыл Алдаҥҥа, Уус Алдаҥҥа, Муомаҕа, Хаҥаласка тиийэ үлэлиир былааннаахпыт. Тоҕо диэтэххэ кэлиҥҥи сылларга дьон да, айылҕа да сабыдыалынан сир-уот алдьана-кээһэнэ турар, онон ити бырассыас бара илигинэ үөрэтэн-чинчийэн хаалыахтаахпыт.
Реставрация үлэтэ эмиэ барар, 5 пааматынньыгы өрө тардыахпыт. Амма Эмиһигэр Бакамда диэн сиргэ улахан ампаар баар, ону реставрациялыахпыт”.
Арассыыйа Дьоруойа, Бүтүн Арассыыйатааҕы оҕо уонна ыччат «Движение первых» уопсастыбаннай-судаарыстыбаннай хамсааһын бырабылыанньатын бэрэссэдээтэлэ Артур Орлов…
Хаҥалас улууһун дэлэгээссийэтэ улуус баһылыга Сергей Гребнев салалтатынан байыаннай дьайыы буола турар сиригэр айаннаата. Дэлэгээссийэҕэ…
Ил Дархан Айсен Николаев "Россия24" ханаалга "Быһа кэпсэтии" биэриигэ тохсунньу 22 күнүгэр Амма улууһугар барарын…
Арассыыйа Бэрэсидьиэнэ Владимир Путин ыйааҕынан тэриллибит «Беспилотнай авиационнай системалар» национальнай бырайыак чэрчитинэн, 2025 сылга ойуур…
Бүгүн, тохсунньу 20 күнүгэр, Дьокуускайга баар "Россия -- моя история" устуоруйа пааркатын таһыгар 16 саастаах…
Тохсунньу 18 күнүгэр Күҥҥэ X1.95 кылаастаах улахан эстии буолбута. Ол протоннара Сиргэ тиийэн кэлэн, бүгүн…