Пааранан үҥкүүлүүр Арылхан Данилов уонна Милослава Мазанова чөмпүйэнээккэ ситиһиилээхтик кытыннылар

Владивостокка спортивнай үҥкүүгэ Уһук Илин Федеральнай уокуругун чөмпүйэнээтэ   ыытылынна. Биһиги өрөспүүбүлүкэбититтэн  «Реверанс»   спортивнай кулууп иитиллээччилэрэ  Арылхан Данилов уонна Милослава Мазанова кытыннылар.

Кинилэри күрэхтэһиигэ тириэньэр Павел Лопатин уонна «Реверанс»   спортивнай кулууп  салайааччыта  Нелли Лилло бэлэмнээбиттэрэ.

Милослава күрэхтэһии иннинэ төһө да эчэйии ыллар, чөмпүйэнээккэ дьаныһан туран кытынна.   Арылхаҥҥа уонна  Милаҕа эппиэттээх сыл үүннэ. Ол курдук,  Юниоры-2 категорияҕа көһөн, атын кылаас буоллулар уонна «Азия оҕолоро» оонньууларга бэлэмнэнэллэр.

Бу сезоҥҥа тириэньэр  Павел Лопатин кинилэргэ олус кыраһыабай  композицияны туруорда. Латиноамериканскай бырагыраамаҕа  35 паараттан 7-с миэстэҕэ тигистилэр диэн СӨ Үҥкүү успуордун сойууһун пресс-сулууспата иһитиннэрдэ.