Хаартыска: Нарыйа Пахомова, ЯСИА
Бэс ыйын 22 күнүгэр Дьокуускайдааҕы Култуура уонна сынньалаҥ пааркатыгар хантараагынан байыаннай сулууспаҕа гражданнары сүүмэрдиир көһө сылдьар пуун тэрилиннэ. Бу туһунан СИА суруйар.
Балаакка аттыгар босхо тир тэрийдилэр, онно баҕалаахтар Аҕа дойду Улуу сэриитин уонна анал байыаннай дьайыы кэмигэр туттуллубут сэби-сэбиргэли боруобалаан көрүөхтэрин сөп. Ону таһынан, сүүмэрдиир пуун исписэлиистэрэ дроннар хайдах үлэлииллэрин көрдөрөллөр.
Көһө сылдьар пууҥҥа туттар тэриллэри көрдөрүүгэ туруордулар: дроннар, шлем, бронежилет, Дегтярев бөлөмүөтэ, Калашников аптамаата, Шпагин пистолет-бөлөмүөтэ, ону тэҥэ Аҕа дойду Улуу сэриитин кэминээҕи Мосин бинтиэпкэтэ.
«Биһиги норуот бэйэтин дойдутун таптыырын уонна көмүскүүргэ бэлэм буолуон баҕарабыт. Бу биһиэхэ уопсай сыалбытыгар – анал байыаннай дьайыыга кыайыыга көмөлөһүөҕэ. Элбэх киһи, ордук ыччат дьон дроннары сэҥээрэллэр, ыйыталаһаллар, экипировканы кэтэн көрөллөр», — диэн кэпсээтэ Дьокуускайга хантараагынан байыаннай сулууспаҕа гражданнары сүүмэрдиир пуун инструктора Василий Галуза.
Байыаннай сулууспаҕа сүүмэрдиир көһө сылдьар пуун куорат пааркатын киин аанын аттыгар киэһэ 18:00 чааска диэри үлэлиир. Маннык дьаһал Дьокуускай куорат уопсастыбаннай түһүлгэлэригэр үһүс төгүлүн ыытыллар.
Юрий Слепцов: " Бүгүн үһүс күнүн Дьокуускайга “Төрөөбүт дойду – Арассыыйа күүһэ” Бүтүн Арассыыйатааҕы III…
Саха сирин Арктическай оскуолата уонна Кытай Норуодунай Өрөспүүбүлүкэтин Цзянси провинциятын Наньчан куоратын Омук тылларын оскуолата…
Ахсынньы 21 күнүгэр Дьокуускайга «Триумф» успуорт уораҕайыгар Төрүт многоборьеҕа Федерация II Куубага ыытыллыаҕа. Күрэхтэһиигэ өрөспүүбүлүкэ …
Киэҥ далааһыннаах күрэхтэһии 2027 сыл сайыныгар Ньурба улууһугар ыытыллыаҕа, онно номнуо көхтөөх бэлэмнэнии саҕаланна. Санатан…
Ахсынньы 12 күнүгэр, Дьокуускайга Ил Дархан Айсен Николаев бэрэссэдээтэллээх эрэгийиэҥҥэ бэрээдэги уонна куттал суох буолуутун…
Арассыыйаҕа бобуулаах эттиктэрдээх күүстээх дьайыылаах эмптэри иһэн баран, тимир көлөнү ыытыы 45 тыһыынча солкуобай ыстараапка…