Хаартыска: СИА
Паасха – христианнарга улахан бырааһынньык. Быйыл Паасха бырааһынньыга бу баскыһыанньаҕа, муус устар 16 күнүгэр, түбэһэр.
Паасханы былыр былыргыттан баайдык-талымнык бэлиэтииллэрэ уонна эрдэттэн бэлэмнэнэллэрэ. Бу күннэргэ хараамнарга ураты сулууспалар ыытыллаллар, өлбүт дьону ахтар-саныыр бобуллар. Үгэс курдук, чэппиэр күн Паасханы көрсө дьиэлэрин бэлэмнииллэрэ: сууйаллара-сотоллоро, урукку уонна наадата суох малы-салы быраҕаллара. Ону таһынан кулич буһарар уонна сымыыты кырааскалыыр үгэс күн бүгүҥҥэ диэри тиийэн кэллэ.
СӨ Роспотребнадзор управлениетын исписэлиистэрэ Паасха сымыыттарын хайдах кырааскалыырга сүбэлииллэр.
-Айылҕаттан ылыллыбыт кырааскалыыр биэсэстибэлэри: ханнык баҕарар оҕуруот аһын, фруктаны, отону, күөх үүнээйини уонна туманы туһаныахха сөп. Үксүгэр луук хаҕын, кыһыл сүрэхтээх хаппыыстаны, сүбүөкүлэни, куопаны, шпинат уонна дөлүһүөн сэбирдэхтэрин, күөх чэйи, каркадены, черниканы уонна күлүүкүбэни тутталлар.
-Аһылыктан оҥоһуллубут кырааскалыыр биэсэстибэлэри. Онуоха кырааскалаах биэсэстибэ чахчы аһылыкка туттуллуон сөбүн билиэххэ наада. Паасха сымыытын кырааскалыырга маннык суруктаах биэсэстибэлэр туһаныллаллар: : Е122, Е163, Е110, Е 142, Е132, Е120, Е160, Е181, Е124, Е133, Е131.
-Ырыынакка, билбэт киһигититтэн ылбыт кырааскалыыр биэсэстибэни туһанартан;
-Кубарыйбыт сабынан уонна таҥас кубарыйбыт кырадаһынынан кырааскалыыртан;
-Аска туттуллубат кырааскалаах биэсэстибэлэртэн уонна кырааскалартан.
Аска туһаныллыбат уонна хаһан да билбэтэх кырааскалыыр биэсэстибэлэри туһаныы сүһүрүүгэ уонна да атын содулларга тириэрдиэн сөбүн умнумаҥ.
-Кырааскалыыр биэсэстибэ тэҥник иҥэрин туһугар кырааскалыах иннинэ сымыыты мыылалаах булкадаһыгынан сотуҥ.
-Сымыыты халыҥ сотейникка буһарыҥ – оччоҕо хайыта ыстаммат. Сымыыттаах уу оргуйбутун кэннэ салҕыы кыра уокка буһарыҥ.
-Иһиккититтэн кырааскаламмыт сымыыты хостоон баран, сымыыты сылаас уунан тыктаран сууйуҥ уонна салфетканан эбэтэр кумааҕы сотторунан куурдуҥ.
-Кырааскалаан бааран подсолнечник арыытынан соттоххутуна, кылабачыгас буолуоҕа.
-Өскөтүн кырааскалаан баран, сымыыты буспут уутугар биир түүҥҥэ холодильникка хааллардаххытына, хаҕын кырааската ордук сырдык буолуоҕа.
Оҕуруот аһын сыаната мантан күһүн өссө түһүөҕэ. Билигин помидор сыаната киилэтигэр 15-200 солкуобайга халбаҥныыр, кабачок…
«Национальнай Лотерея» «Мечталлион» лотерея 154-с тираһын Саха сириттэн кыайыылааҕын көрдүүр. Кыайыылаах биир мөлүйүөн солкуобайы сүүйбүт…
Бастакы кылааска киирэн баран, оҕо уутун хаммат, начаас сылайар, уруок ааҕыан баҕарбат буоллаҕына, оҕону ыгар-түүрэр…
Илиҥҥи экэнэмиичэскэй пуорум «Уһук Илин сайдыытын күүһэ – үөрэхтээһин» диэн сессиятыгар СӨ Бэрэссэдээтэлин солбуйааччыта Анатолий…
Быйыл саахсаланан ыал буолбуттар, 50 эбэтэр онтон элбэх сыл олорбут Арассыыйа дьиэ кэргэттэрэ, эрэгийиэн таһымыгар…
Саха сиригэр биллэр уопсастыбанньык, адаптивнай күрэсчит, 1 группалаах инбэлиит, диализтаах уонна уорганнарын көһөртөрбүт ыарыһахтар уопсастыбаларын…