Хаартыска: Газета.ру
Ыам ыйыгар Доруобуйа харыстабылын аан дойдутааҕы тэрилтэтин (ВОЗ) салайааччы Тедрос Гебрейесус коронавируснай инпиэксийэттэн сылтаан биллэриллибит пандемия түмүктэммитин туһунан иһитиннэрдэ. Пандемия 2020 сыллаахха кулун тутар 11 күнүгэр биллэриллибитэ. Онон пандемия 3 сыл, 1 ый, 27 күн устата барбыт.
“ВОЗ” ыксаллаах балаһыанньаҕа кэмитиэтэ дааннайдары сиһилии ырытан, үөрэтэн көрөн баран, маннык быһаарыныыны ылыммыт. Ол эрээри, Гебрейесус этэринэн, коронавирус куттала толору ааһа илик.
— Ааспыт нэдиэлэҕэ аан дойду үрдүнэн хас 3 мүнүүтэ аайы “ковидтан” киһи өлөр. Бу вирус син биир хаалар, биһиги олохпутугар син биир баар буолуо. Коронавирус билиҥҥэ диэри дьону өлөрөр уонна дьүһүн кубулуйар, — диэн кини эттэ.
“ВОЗ” дааннайынан, пандемия кэмигэр аан дойду үрдүнэн 765,2 мөлүйүөн киһи коронавируһунан ыалдьыбыт, 6,9 мөлүйүөн киһи өлбүт. Ол эрээри, Гебрейесус этэринэн, “ковид” содулуттан өлүү ахсаана 20 мөлүйүөҥҥэ тиийэр.
Арассыыйаҕа, суһал ыстаап дааннайдарынан, пандемия кэмигэр 23 мөлүйүөн киһи ыалдьыбыт, 398 тыһыынча киһи өлбүт.
Коронавируснай инфекциянан ыалдьыы ахсаана сыыйа намтыыр. Ыам ыйын 11 күнүгэр дойду үрдүнэн 2344 киһи ыалдьыбыта уонна 28 киһи өлбүтэ бэлиэтэммит. Онон билигин да сэрэҕи сүтэрэр сатаммат.
Өрөбүл сарсыарда Дьокуускайга Каландаришвили уулуссаҕа турар икки этээстээх олорор дьиэҕэ баһаар тахсыбыт. Быһылаан тахсыбыт сириттэн…
Кыһын дьиэ үүнээйилэрэ мэлдьи эрэйдэнэллэр, сэбирдэхтэрэ саһарар уонна түһэр диэн «Ученый агроном» ханаал ааптара суруйар.…
Айсен Николаев Саха Өрөспүүбүлүкэтин Бастакы Бэрэсидьиэнин оскуолаларын ситимин сайыннарыы боппуруостарыгар мунньах ыытта. Көрсүһүүгэ бэрэсидьиэн оскуолаларын…
Кэлэн иһэр саргылаах Саҥа дьылы көрсө Үрүҥ Айыы сылынан (Кытай халандаарынан – Кыһыл ат сыла)…
Саха сиригэр суукка иһигэр буруйу оҥоруу туһунан икки иһитиннэрии бэлиэтэннэ. Бу туһунан СӨ Борокуратуурата иһитиннэрэр.…
Ахсынньы чахчы да аам-даам тымныыта күүһүрэн, нэдиэлэттэн ордук кэм устата 1-8 кылаас оҕолоро Дьокуускайга,…