Парашютистар уонна десантниктар ойуур баһаарын умуруорууга көмөлөһө бардылар

Саха сириттэн Авиалесоохрана 50 парашитиһа, десантнига Забайкалье кыраайыгар көмөҕө бардылар. Онно ойуур баһаарын утары үлэлиэхтэрэ. Бу туһунан СӨ экологияҕа, айылҕаны туһаныыга уонна ойуур хаһаайыстыбатыгар министиэристибэтэ иһитиннэрэр.

Хамаандаҕа Дьокуускайдааҕы авиаотделениеттан 27 үлэһит, 11 киһи Амматааҕы авиаотделениеттан уонна 12 баһаарынай Саҥыйахтаахтан саҥа авиаотделениеттан бааллар.

Иһитиннэриллибитинэн, Забайкалье кыраайын сиригэр-уотугар бүгүҥҥү күн туругунан баһаарынан балаһыанньа уустук. Муус устар 8  күнүнээҕи туругунан, үс ойуур баһаара баара бэлиэтэнэр, уот хаппыт уопсай иэнэ 2 089,5 га, ЧС эрэсиимэ биллэриллибит.

Биэдэмистибэттэн иһитиннэрбиттэринэн, эрэгийиэннэр ыкса сибээстээх үлэлииллэрэ уонна хардарыта көмөлөсүһэллэрэ ойуур баһаарын утары охсуһарга суолталаах. Саха сирин баһаарынайдарын уопуттара Забайкалье кыраайыгар ойуур баһаарын утары охсуһууга көмөлөөх буолуоҕа.

СӨ Ил Дарханын уонна Бырабыыталыстыбатын пресс-сулууспата