Парашютнай-десантнай баһаарынай сулууспа байыастара парашютунан ыстанарга эрчиллэллэр

Бэҕэһээ Хаҥалас улууһун Нөмүгү сэлиэнньэтин аттыгар баар полигоҥҥа парашютнай-десантнай баһаарынай сулууспа байыастара парашютунан ыстаныыга эрчилиннилэр диэн СӨ Экологияҕа, айылҕаны туһаныыга уонна ойуур хаһаайыстыбатыгар министиэристибэтин пресс-сулууспата иһитиннэрэр.

Бу күн күн-дьыл туран биэрэн байыастары үөртэ. Салгын температурата сөптөөх буолан, -30С кыраадыска диэри ыстанар көҥүллэнэр. Кыра тыаллаах, сөкүүндэҕэ 3 м түргэннээх, ардыгар сөкүүндэҕэ 7 м тиийэр.
Ан-2 сөмөлүөт биирдэ көтөн тахсарыгар буордугар 10, муҥутаан 11 киһини ылар. Бу сиргэ үс күн устата эрчиллиэхтэрэ.

«Байыастар санаалара бөҕөх, туруоруллубут соругу толорорго бэлэмнэр, — диэн «Авиалесоохрана» тэрилтэ инструктора, салгыҥҥа эрчиллии салайааччыта Андрей Евдокимов кэпсээтэ. «Бүгүн манна үс инструктор баар. Байыастар 1000 м үрдүктэн «Лесник-3» парашютунан ыстаналлар. Биир киһи 5-тэ ыстанар».