Парашютунан ыстана сылдьан эчэйиини ылбыт эр киһи ыарахан туруктаах

Бүгүн саайпытыгар Ытык Күөлтэн 5 км Мойуона диэн сиргэ парашютунан ыстаныыга эрчиллэ сылдьыбыт  2002 с.т. эр киһи эчэйиини ылан балыыһаҕа киирбитин туһунан суруйбуппут.

ЯСИА суруйарынан, 23 саастаах эр киһи билигин ыарахан туруктаах, кинини санитарнай рейсинэн Дьокуускайга аҕалыахтаахтар. Бу туһунан СӨ Доруобуйа харыстабылын министиэристибэтэ иһитиннэрбит.

«Бэс ыйын 26 күнүгэр эр киһи Тааттатааҕы Киин балыыһаҕа ыарахан туруктаах госпитализацияламмыта. Өрөспүүбүлүкэтээҕи 2-с нүөмэрдээх балыыһа быраастарын кытта  телемэдиссиинэнэн консультация оҥоһулунна.  Эмсэҕэлээбит киһини өрөспүүбүлүкэтээҕи балыыһаҕа санрейсинэн аҕалыахтара», –  диэн СӨ Доруобуйа харыстабылын министиэристибэтэ ЯСИА-ҕа иһитиннэрбит.