Парижка Олимпиада хаһан саҕаланар?

Францияҕа Париж куоракка сайыҥҥы Олимпийскай оонньуулар саҕаланара икки хонук хаалла. 

Хаһан саҕаланар?

Официальнайдык XXXIII сайыҥҥы Олимпийскай оонньуулар от ыйын 26 күнүгэр аһыллыахтара. Бу күн Парижка Оонньуулар киэҥ далааһыннаах аһыллыытын сиэрэ-туома ыытыллыаҕа. Саамай улахан аан дойдутааҕы күрэхтэһиилэргэ 200 тахса национальнай олимпийскай кэмитиэттэрин 10 тыһыынчаттан тахса спортсмена кыттара күүтүллэр. Францияҕа барыта 329 кэмпилиэк мэтээл оонньонуоҕа. Быйыл оонньууларга саҥа биир успуорт көрүҥэ эбиллэн биэрдэ — брейк-данс. Бу успуорт көрүҥэр дьахталлар уонна эр дьон ортолоругар икки кэмпилиэк мэтээл оонньонуоҕа.

Туох уларыйыы киирдэ?

Быйыл стадиоҥҥа спортсменнар параадтарын оннугар Сена өрүскэ оҥочо параадын көрүөхпүт. Онно катердарынан 10 тыһыынчаттан тахса спортсмен устуоҕа. Оонньуулар аһыллыытын сиэрин-туомун сүрүн чааһа Эйфель башнятын аттыгар Трокадеро болуоссакка ыытыллыаҕа. Москва бириэмэтинэн киэһэ 20.30 чаастан саҕаланыаҕа.

Бастакы күрэхтэһиилэр

Бастакы кэмпилиэк мэтээл от ыйын 27 күнүгэр оонньонуоҕа. Оонньуулар бастакы күнүн түмүгүнэн спортсменнар ортолоругар 14 кэмпилиэк мэтээли туттарыахтара. Ол курдук, атлеттар бастакы күн успуорт аҕыс көрүҥэр киирсиэхтэрэ. Икки кэмпилиэк мэтээли бэлисипиэт призердара ылыахтара, өссө икки кэмпилиэги — дзюдоистар, биир — харбааччылар, биир — ууга ыстанааччылар, биир — регбистар, биир — скейтбордистар, биир – сыал ытааччылар уонна икки – фехтовальщиктар тутуохтара.

Күрэхтэһиилэр араспысаанньата