Хаартыска: ТАСС.
Парижка Нуучча православнай духуобунай-култуурунай киинигэр саха киинэлэрин көрдөрүөхтэрэ. Ханнык киинэлэри талбыттарый?
“Биһиги кииммит атырдьах ыйын Арассыыйа киинэтигэр аныыр үгэстээх. Быйыл французскай уопсастыбаннаска саха аныгы киинэтин билиһиннэрэргэ быһаардыбыт. Бу тэрээһини «Сахафильм» хампаанньаны уонна Саха кинематографистарын ассоциациятын кытта тэрийэбит», — диэн духуобунай-култуурунай киин пресс-сулууспата ТАСС-ка иһитиннэрдэ.
Бу ретроспективаны арыйбыт киинэнэн Инга Шепелева режиссердаах «Белый пароход» (2024) диэн драма буолар. «Бу киһи уонна айылҕа ситимнэрин, көлүөнэттэн көлүөнэҕэ бэриллэр өйдөбүнньүк, үһүйээннэр уонна дьиҥнээх олох быыһыгар бэйэҥ суолгун булан ылыы туһунан кэпсэнэр. Биһиги Саха сирин тыынын, ураты култууратын уонна аан дойду ханнык баҕарар муннугар көрөөччүлэргэ өйдөнүмтүө уобарас тылын тиэрдэргэ дьулустубут», — диэн киинэ продюсера Янна Буряк көрөөччүлэргэ эттэ.
«Үрүҥ пароход» киинэни таһынан, атырдьах ыйын 26 күнүгэр диэри духуобунай-култуурунай киин саалатыгар өссө түөрт киинэни көрдөрүөхтэрэ: атырдьах ыйын 5 күнүгэр көрөөччүлэр Михаил Лукачевскай «Триумф» (2024) спортивнай драматын, атырдьах ыйын 12 күнүгэр Алексей Амбросьев «СПИД СТАР» (2024) драматын, атырдьах ыйын 19 күнүгэр Михаил Барынин «24 снега» (2015) документальнай киинэтин көрүөхтэрин сөп. Ретроспектива Степан Бурнашев уонна Дмитрий Давыдов «Ыт» (2021) диэн комедия драмаларынан түмүктэнэр.
Үөһээ Бүлүү улууһугар 2025 сылга байыаннай дьайыы кыттыылаахтарыгар уонна кинилэр дьиэ кэргэттэригэр көмө оҥоруу бүттүүн…
Ньурба улууһун Чуукаар сэлиэнньэтигэр сүппүт 1955 с.т. дьахтары быыһааччылар уонна олохтоохтор көрдүүллэр, диэн Саха сиринээҕи…
В. П. Ларионов аатынан физика-тиэхиньикэ лиссиэйин саха тылын, литэрэтиирэтин учуутала, СӨ үөрэҕин туйгуна, “Саха тылын, литэрэтиирэтин бастыҥ…
Тохсунньу 17-18 күннэригэр Дьокуускайга «Триумф» успуорт уораҕайыгар чэпчэки атлетикаҕа Саха сирин кыһыҥҥы чөмпүйэнээтэ ыытыллыаҕа. Күрэхтэһии…
Нам сэлиэнньэтин Уопсастыбанньыктар дьиэлэригэр бойобуой дьайыылар бэтэрээннэрин икки ардыларыгар корнхолга бастакы турнир ыытылынна. «Тохсунньу томороон…
Тымныы күн-дьыл турбутунан, Горнай, Нам, Хаҥалас уонна Чурапчы улуустарыгар муниципалитеттар икки ардыларынааҕы оптуобус сырыыта быстах…