Хаартыска: колымскиеновости.рф
Бэҕэһээ, кулун тутар 12 күнүгэр, Ил Түмэҥҥэ норуот дьокутааттара Арктика уонна хоту улуустарыгар эминэн-томунан хааччыйыы боппуруостарын дьүүллэстилэр.
Мунньах сүрүн тиэмэтинэн Арктика уонна хоту улуустарыгар Саха сирин ситэриилээх былааһын отчуотун уонна нэһилиэнньэни кытта көрсүһүүлэрин кэмигэр эминэн-томунан хааччыйыы сытыы социальнай боппуруоһунан туруоруллубута буолла.
Билигин Хоту уонна Арктика улуустарыгар барыта 21 аптека уонна киин балыыһалар истэринэн үлэлиир лиссиэнсийэлээх 86 салаалар бааллар.
Үөһээ Дьааҥы улууһун дьаһалтатын баһылыга Владислав Иванов улуус иһинэн эми-тому тиэрдии уонна хааччыйыы боппуруоһа сытыытык турарын, бу кыһалҕаны быһаарыыга араас ньымалары үөрэтэн көрөллөрүн иһитиннэрдэ. Ол курдук, киин балыыһаларынан иһинэн эминэн-томунан хааччыйыыга туһунан үлэһит киһи ыстаата көрүллүбэтэ этилиннэ. Бу сыалы ситиһэргэ чааһынай аптекалары нөҥүө эрэ атыылыырга күһэллэллэр. Ону кытта тыа сирин аптекаларыгар эми-тому каассаҕа охсорго хаачыстыбалаах интэриниэт суоҕун кэриэтэ буолара ыйылынна.
Ити этиллибиккэ Өлүөхүмэ улууһун 55 №-дээх аптека сэбиэдиссэйэ Айталина Степанова эмиэ сөбүлэстэ. Маны таһынан докумуоннары толоруу үлэтин кээмэйэ элбэҕиттэн сорох эми-тому сакаастыыртан аккаастаналлара быһаарылынна. Арктикаҕа аптека урукку көрүҥэр оннунан хаалларарга, федеральнай сокуонунан көрүллэр өйүүр мэхэньиисимнэри, туспа хос судаарыстыбаннай бырагырааманан субсидияны уонна чэпчэтиилэри олохтуурга этии киллэрдэ.
Булуҥ улууһун баһылыгын солбуйааччы Владимир Милославскай 60 №-дээх муниципальнай аптеканы үлэлэтэн, билиҥҥитэ эминэн-томунан хааччыллыыта туруктаах эрээри, күн-дьыл усулуобуйатынан сибээстээн, таһаҕаһы тиэйиигэ ардыгар ыарахаттар үөскүүллэрин эттэ. Билигин Тиксиигэ федеральнай сокуон уларыйбытынан сибээстээн, 1,5 сыл устата провизора суох олорбуттара ахтылынна. Ол гынан баран, инвестордар көмөлөрүнэн чааһынай аптеканы арыйаннар, ити кыһалҕалары бары таһымҥа быһаарарга үлэ ыытылларын быһаарда.
Дьүүллэһии кэмигэр Хоту уонна Арктика улуустарын эминэн-томунан хааччыйыыга субсидия көрүллүбэтэ, таһаҕаһы тиэйиигэ кэккэ уустуктар бааллара, каадыр тиийбэтэ, аптека биисинэһэ барыһа суоҕа, киин балыыһаларга аптеканы арыйар үп-харчы тиийбэтэ, биэс уонна онтон элбэх оҕолоох дьиэ кэргэттэргэ босхо эминэн хааччыйыыга туһааннаах нуормалыыр аакта оҥоһулла илигэ, оргтиэхиньикэ тиийбэтэ, о.д.а. кыһалҕалар таарылыннылар.
Сүбэ мунньах түмүгэр норуот дьокутааттара уонна ыҥырыылаах кыттааччылар муниципальнай аптекалары 2035 сылга диэри Арктика оройуоннарын сайдыытын бырагырааматыгар киллэрэргэ, туспа хос судаарыстыбыннай бырагыраама оҥоһулларыгар, бырыһыана суох кирэдьиит көрүллэригэр быһаарыы ылыннылар диэн Ил Түмэн пресс-сулууспата суруйар.
Арассыыйа бэрэсидьиэнэ Владимир Путин «Сахатранснефтегаз» национальнай ньиэп уонна гаас хампаанньатыгар тус махталын биллэрдэ. Туһааннаах дьаһал…
Саха Өрөспүүбүлүкэтин култууратын уонна духуобунай сайдыыга министиэристибэтэ уонна Хомус Аан дойдутааҕы түмэлэ тэрийиилэринэн, 2025 с.…
Ааспыт сууккаҕа Саха сиригэр икки буруйу оҥоруу тахсыбыт. Манан процессуальнай бэрэбиэркэни ыытыыны уонна холуобунай дьыалалары…
Ахсынньы 16 күнүгэр Дьокуускай куоракка өр күүтүллүбүт «Патриот» ыччат киинин үөрүүлээх арыллыыта буолла. Бу –…
Уус Алдан улууһун Кэптэнитигэр “Хаарбах туруктаах дьиэттэн көһөрүү" бырагырааманан саҥа таас дьиэ үлэҕэ киирдэ. Бу…
Бүгүн, ахсынньы 17 күнүгэр, өрөспүүбүлүкэ хоту, илин, соҕуруулуу-арҕаа өттүгэр кыралаан хаардыаҕа. Киин, арҕаа улуустарга туманнаах,…