Ил Түмэн пресс-сулууспатын хаартыската
Ил Түмэҥҥэ норуот дьокутааттара учууталлар хамнастарын үрдэтиини дьүүллэстилэр. Бэҕэһээ, олунньу 15 күнүгэр, «Совершенствование оплаты труда педагогических работников Республики Саха (Якутия)» диэн бырабыыталыстыба чааһа буолла.
Мунньахха норуот дьокутааттара, ситэриилээх былаас уорганнар, мунипальнай тэриллиилэр, үөрэх уонна уопсастыбаннай тэрилтэлэр бэрэстэбиитэллэрэ кытыннылар.
Бастакынан туһааннаах сис кэмитиэтин бэрэссэдээтэлэ Антонина Григорьева дойду Бэрэсидьиэнэ Владимир Путин Учуутал уонна уһуйааччы сылын түмүктүүрүгэр учууталлар хамнастарын сайыннарарга уонна сокуонунан уһуйааччыларга эбилик төлөбүр көрүллэрин бэлиэтээбитэ.
Үөрэх уонна билим министиэристибэтин бастакы солбуйааччыта Михаил Присяжнай иһитиннэрбитинэн, 2012 сылтан 2023 сылга диэри учууталлар хамнастара 3,6 төгүл улааппыт. Оттон оҕолорго эбии үөрэхтээһин учууталларыгар — 4,6 төгүл.
Билиҥҥи туругунан улуустарынан хамнас ааҕыыта икки тиһигинэн оҥоһуллар: 285 тэрилтэҕэ – НСОТ (новая система оплаты труда) уонна 349 (отраслевая система оплаты труда) үөрэх кыһатыгар – ОСОТ (отраслевая система оплаты труда).
Миниистир солбуйааччытыгар норуот дьокутааттара элбэх ыйытык биэрдилэр. Иван Луцкан оҕо уһуйааннарын үлэһиттэрин хамнастарын үрдэтэргэ этии киллэрдэ. Андрей Находкин учууталлар хамнастара үөрэнээччи ахсааныттан тутулуктааҕын, суоҕун туоһуласта. Манна биэдэмистибэ үп-харчы хааччыйыытын отделын салайааччыта Татьяна Жукова учууталларга хамнаска биир тиһик уонна акылаат оҥоһулларын эттэ. Алена Атласова саха тылын уонна литературатын, ону тэҥэ инбэлиит оҕолору кытта үлэлиир учууталлар хамнастарын таарыйда. Иван Данилов үөрэх кыһатын тэрилтэлэригэр сиэри таһынан дириэктэри солбуйааччылар баалларын эттэ. Манна Татьяна Жукова дуоһунастар араастааһыылара көрүллэригэр итэҕэттэ. Георгий Балакшин учууталлар хамнастарын ыстаапкатын улаатыннарыыны ыйытта. Татьяна Жукова этэринэн, быйыл балаҕан ыйын 1 күнүттэн былаан толорулларыгар эрэннэрдэ.
Түмүккэ Антонина Григорьева бырабыыталыстыба чааһын кыттыылаахтарыгар уонна Үөрэх министиэристибэтин бэрэстэбиитэллэригэр учууталлар хамнастарын үрдэтиигэ көдьүүстээх үлэлэрин иһин махтанна. Кэмитиэт бэрэссэдээтэлэ сотору кэминэн хамнас үрдэтиигэ уонна уларытыыга оробуочай бөлөх тэриллэрин туһунан эттэ диэн Ил Түмэн пресс-сулууспата суруйар.
Ахсынньы 6 күнүгэр Амма сэлиэнньэтин «Дружба» успуорт комплексыгар успуорт көрүҥүн бочуоттаах бэтэрээнэ Геннадий Васильевич Окороков…
Дьокуускайга икки эр киһи субуотаҕа балыктыы тахсан баран, дьиэлэригэр төннүбэтэхтэр. Кинилэри көрдүү бэнидиэнньиккэ үс быыһааччы…
Казань куоракка уус-уран гимнастикаҕа Арассыыйа Куубагын күрэхтэһиитэ түмүктэннэ. Онно дойду 20 эрэгийиэниттэн 150-тан тахса бастыҥ…
Erid: 2SDnjduRUSK Ахсынньы 1–21 күннэригэр мета-куйаарга «Сайылык» онлайн-бэстибээл ыытыллыаҕа. Манна көрөөччүлэр Саха сирин ускуустубатын, киинэтин,…
Өлүөхүмэ оройуонун борокуратуурата сибээс туһунан федеральнай сокуон толоруллуутун бэрэбиэркэлээтэ. Бэрэбиэркэ түмүгүнэн, Өлүөхүмэ куоракка уонна тыа…
Ил Түмэҥҥэ ыытыллыбыт төгүрүк остуол кыттыылаахтара өрөспүүбүлүкэ бырабыыталыстыбатыгар Российскай Федерация сиригэр-уотугар үлэлиир Баһаары утары эрэсиим…