Бүгүн Ил Түмэн иккис ыҥырыылаах мунньаҕын 25 сылыгар анаммыт тэрээһиҥҥэ Ил Дархан Айсен Николаев кыттыыны ылла.
Өрөспүүбүлүкэ Аҕа баһылыга Айсен Николаев өрөспүүбүлүкэ саамай эдэр норуоднай дьокутаатын быһыытынан Саха сирин парламеныгар бастакы хардыылары хайдах оҥорбутун, икки ыҥырыылаах дьокутааттар састааптара олус күүстээҕин, үлэтэ көдьүүстээҕин бэлиэтээтэ.
Кини Михаил Николаев кэнниттэн Саха сирин үс салайааччыта өрөспүүбүлүкэ иккис ыҥырыылаах мунньаҕыттан куорсун анньан тахсыбыттарын ыйда уонна дьокутааттаабыт кэмэ киниэхэ олоҕун оскуолатынан буолбутун бэлиэтээтэ.
— Ил Түмэн дьокутааттара оччолорго Федеральнай мунньаҕы кытта ыкса сибээһи олохтообуппут. Биһиги дойдуга буолар балысханнаах уларыйыылар кыттыылаахтарынан буолбуппут. Өрөспүүбүлүкэбит саҥа үүммүт үйэҕэ сайдыытыгар Саха сирин парламена дьон интэриэһин көмүскүүр былаас сүрүн институтунан хаалыаҕа, — диэн эрэгийиэн салайааччыта бэлиэтээн эттэ.
Ил Дархан бэлиэ тэрээһин кэмигэр Ил Түмэн иккис ыҥырыылаах мунньаҕын дьокутаттарыгар Анатолий Даниловка, Федора Захароваҕа, Александр Ким-Кимэҥҥэ, Афанасий Максимовка, Гаврил Местниковка, Николай Парниковка, Василий Пахомовка, Анна Соловьеваҕа, Афанасий Федоровка Саха АССР 100 сылынан үбүлүөйдээх мэтээллэри туттарда.
Ил Түмэн алтыс ыҥырыылаах мунньаҕын спикерэ Алексей Еремеев Ил Дархан Айсен Николаевка “Саха Өрөспүүбүлүкэтин парламентаризма сайдыытыгар кылаатын иһин” бэлиэни туттарда.
Ил Түмэн иккис ыҥырылаах мунньаҕын дьокутааттарын 1997 сыл ахсынньы 28 күнүгэр талбыттара. Парламент икки ыҥырыылаах палааталарын бастакы мунньаҕа 1998 сыл тохсунньу 22 күнүгэр ыытыллыбыта. Өрөспүүбүлүкэ Палататын Бэрэссэдээтэлинэн Василий Филиппов талыллыбыта. Бэрэстэбиитэллэр палааларын салайааччытынан– Николай Соломов. Биэс сыл иһигэр Ил Түмэн иккис ыҥырыылаах мунньаҕын дьокутааттара 242 сокуону ылыммыттара.
Хаҥалас улууһун 1-кы Малдьаҕар нэһилиэгин олохтоохторо ааспыт өрөбүллэргэ бэлиэтэммит "Нэһилиэк күнүгэр" бэртээхэй сонуну истэн үөрдүлэр.…
Бу күннэргэ Амма улууһун баһылыга Степан Кузьмин кыстыкка киириигэ бэлэмнэнии чэрчитинэн улуус киинин хочуолунайдарын туруктарын…
Таатта Харбалааҕар Аҕа дойду Улуу сэриитигэр кыайыы 80 сыллаах үбүлүөйүн көрсө бэлэмнэнии үлэ саҕаланна. "Дьоһуннааҕы…
Бүгүн СӨ Урбааҥҥа, атыыга-эргиэҥҥэ уонна туризмҥа миниистирэ Тимур Ханды министиэристибэ үлэһиттэригэр «Туризмы сайыннарыы уонна территориальнай…
Балаҕан ыйын 14 күнүгэр "Мукучу нэһилиэгэ" МТ баһылыга Николай Иванович Левин, "Сарыал" түөлбэ салайааччыта Анна…
Нам улууһун баһылыга Юрий Слепцов анал дьаһалынан улуус социальнай-экэнэмиичэскэй сайдыытын пуондатын бырабылыанньата халаан уутуттан эмсэҕэлээбит…