Паром сыаната үрдүөҕэ

Кыра суудуналарга өрүһүнэн айан-сырыы алтынньы 9 күнүттэн  бобуллан, аны сотору кэминэн  Дьокуускай — Аллараа Бэстээх хайысхатынан сылдьар паромнар сырыыларыгар  хааччахтааһын олохтонуоҕа.

СИА суруйарынан, алтынньы  16 күнүттэн туһааннаах хайысханан, тарыып үрдүүрэ күүтүллэр.  «Паромы Якутии» УК СИА-ҕа иһитиннэрбитинэн, тарыып үрдээһинэ навигация сабыллыытын уонна өрүскэ балаһыанньа кытааппытын кытары сибээстээх.

«Билигин паромнар расписание быһыытынан үлэлииллэр.  Навигация сабылыннаҕына тарыыптар уларыйыахтара.   Ол курдук 2016 сыллаахха олохтоммут күһүҥҥү  тарыыптарынан үлэлиэхпит.  Навигация сабылыннаҕына тоҕус паром үлэлиэҕэ», —  диэн СИА-ҕа  Николай Ефимов кэпсээтэ.