Бэҕэһээ, алтынньы 13 күнүгэр, СӨ Тырааныспарка, суол хаһаайыстыбатыгар министиэристибэтигэр быйылгы уу суолун түмүктүүр кэмҥэ суудуналар этэҥҥэ сылдьалларын хааччыйыыга аналлаах мунньах буолан ааспыта.
Тэрээһиҥҥэ суудуналары үлэлэтэр тэрилтэлэр салайааччылар бары кытыннылар. Мунньаҕы СӨ тырааныспарка, суол хаһаайыстыбатын миниистирин солбуйааччынан соторутааҕыта анаммыт Семен Коркин салайан ыытта.
Мунньах түмүгүнэн күн-дьыл туругуттан тутулуктанан суудуналар сылдьар болдьохторо уларыйан уһатыллан бэрилиннэ.
— Өлүөнэ өрүскэ, Дьокуускай куораттан — Бүлүү өрүс төрдүгэр алтынньы 16 күнүгэр диэри, Витим өрүс төрдүттэн — Дьокуускайга алтынньы 18 күнүгэр диэри, оттон Осетроваттан Витим төрдүгэр алтынньы 22 күнүгэр диэри суудуналар үлэлиэхтэрэ.
— Дьабаракы Хайаттан — Өлүөнэ өрүскэ диэри алтынньы 12 диэри уу суола аһаҕас буолар.
Аллараа Бэстээх — Дьокуускай хайысхаҕа
Халлаан билиҥҥи туругуттан сылтаан, Дьокуускай — Аллараа Бэстээх хайысханан суудуналар быһа барыллаан алтынньы 23-25 күннэригэр диэри сылдьыахтаахтара быһаарыллыбыт. Муус лаппа туруор диэри ыарахан ыйааһыннаах баржа үлэлиэҕэ. Оттон салгыы Жатай — Төхтүр икки ардыгар «Өлүөнэтээҕи пароходство» АУо ледокола суудуналары арыаллыаҕа. Күн-дьыл туругуттан көрөн уларыйыы киириэн сөп.
Хаартыска — СИА.
Байыаннай дьайыы саҕаланыаҕыттан амарах санаалаах дьон, волонтердар күүс-көмө буолаллар, үгүстэрэ бэйэлэрин сүрүн үлэлэрин таһынан. Госпиталларга…
Өлүөнэ эбэ мууһа Кэбээйи, Нам, Уус Алдан улуустарынан устар. Нам улууһун сиригэр-уотугар 08:00 ч. иһитиннэриинэн,…
Нам улууһугар сааскы халаан уутуттан эмсэҕэлээбит нэһилиэнньэлээх пууннарга уу таһымын туһунан улуус дьаһалтатын пресс-сулууспата иһитиннэрэр.…
Улуу Кыайыы 79 сылынан Уус Алдан улууһун Суотту нэһилиэгэ ытык кырдьаҕастарыгар ас-үөл наборун туттарда. Ону…
Тыа хаһаайыстыбатыгар үүт туттарыы – тыын боппуруос. Үүт туттарыллан үрүҥ-ас дэлэйэр, олохтоох аспытын-үөлбүтүн аһыыбыт, дьон…
Күн-дьыл туруга хайдаҕый? Дьокуускайдааҕы гидрометеорологическай сулууспа тугу иһитиннэрдэ? Соҕуруулуу-арҕаа, соҕуруулуу-илин, илин, хотугулуу-илин кыралаан ардыа, инчэҕэй…