Дьокуускай-Аллараа Бэстээх хайысханан сырыы арыый сэдэхсийдэ.
Паром сырыыта күн-дьыл туругуттан көстүө, быһа холуйан, алтынньы 27 эргин тохтуоҕа диэн иһитиннэрэллэр. Бүгүҥҥү күн туругунан 12 паром көлөлөрү таһар. Бу туһунан «Паромы Якутии» дириэктэрэ Николай Ефимов иһитиннэрдэ диэн СИА Анастасия Филиппова суруйар.
«Массыыналар аҕыйааннар, паромнар чаастатык сылдьыбат буоллулар. Дьокуускай-Аллараа Бэстээх хайысханан сырыы күн-дьыл усулуобуйатыттан тутулуктаах. Быһа холуйан, алтынньы бүтүүтүгэр тохтуура буолуо«, — диэбит Николай Ефимов.
Кини эппитинэн, аҕыс паромҥа массыыналар накопителинэн киирэллэр. Түөрт — АЯМ тутааччыларын Ассоциациятын парома. СӨ Тырааныспар миниистирин солбуйааччы Семен Коркин иһитиннэрбитинэн, бүгүн өрүһү туоруур сиргэ элбэх хаар түһүүүтүттэн үлэ бытаарбыт. Бу иннинэ Тырааныспар министиэристибэтигэр күн-дьыл туруга мөлтөөн, Дьокуускай-Аллараа Бэстээх хайысханан сырыыга паром тарыыба үрдээбит диэн иһитиннэрбиттэр. Ол эрээри, АЯМ тутааччыларын Ассоциациятын түөрт суудуната паром сырыыта сабыллыар диэри, сайыҥҥы тарыыбынан таһыахтара. Маны сэргэ, социальнай суолталаах аһы-үөлү уонна сүөһү аһылыгын таһар таһаҕас массыыналарыгар тарыып уларыйбат.
СИА
Дьокуускайга полиция 3 отделын дьуһуурунай чааһыгар эт-хаан эчэйиитин ылбыт Кангаласс олохтооҕо дьахтартан сайабылыанньа киирбит. Ол…
Бүтүн Арассыыйатааҕы байыаннай-тактическай «Путь воина» күрэхтэһии икки полуфиналын түмүгүнэн Саха сирин уонна Тюмень уобалаһын «ВОИН»…
Дьокуускайга 35 саастаах дьахтар үлэлиир тэрилтэтиттэн 2,7 мөлүйүөн солкуобайы уоран, холуобунай дьыала тэрилиннэ. ИДьМ Силиэстийэлиир…
Уһун, тымныы кыһыннаах, тыйыс айылҕалаах хоту дойдуга олорор буоланнар, өбүгэлэрбит барахсаттар күөх сайын уунар уйгутуттан…
Бүгүн, балаҕан ыйын 18 күнүгэр, Үөһээ Бүлүүгэ үлэ сырыытынан Ил Дархан Айсен Николаев уонна СӨ…
Алтынньы 3-5 күннэригэр Дьокуускайга "Сулус" полигоҥҥа Сэбиэскэй Сойуус Дьоруойа Федор Охлопков аатынан "Бойобуой снайпинг" дьиссипилиинэҕэ…