Паром сырыыта ыам ыйын 25 күнүттэн саҕаланыаҕа

СӨ Тырааныспарга министиэристибэтэ иһитиннэрбитинэн, ыам ыйын 25 күнүттэн эрэгийиэҥҥэ өрүһү туоруур үс биэрэк аһыллыаҕа.

Олор истэригэр Дьокуускайтан Аллараа Бэстээххэ диэри эбэни туорааһын буолуоҕа. Ону сэргэ, чэппиэртэн Хачыкааттан Мохсоҕоллооххо диэри уонна Кангалаасстан Суоттуга диэри сырыы-айан баар буолуоҕа. Дьокуускайтан Аллараа Бэстээххэ диэри уопсайа 12 паром сылдьыаҕа. Оттон атыттарга 2-4 паром сылдьыаҕа.

Айан-сырыы суолунан биэс хампаанньа, ол иһигэр «ЛОРП» суудуналара сылдьыахтара. Биэдэмэстибэҕэ иһитиннэрбиттэринэн, сырыы-айан болдьоҕун, бириэмэтин, сыанатын туһунан  «Саха сирин паромнара» (Паромы Якутии) официальнай сыһыарыыттан билиэххэ сөп.