Паром сырыытын территориятыгар суол быраабылатын кэспит суоппардар административнай эппиэтинэскэ тардылыннылар

Соторутааҕыта «Аллараа Бэстээх — Дьокуускай» паром сырыытын сиригэр-уотугар «Тойота Хайс» массыына «Киирии бобуллар» бэлиэни тутуспакка, светофор бобор кыһыл уотугар паромтан тахсан иһэр тырааныспардарын утары киирбит.

Ону таһынан шлагбауму таарыйбыт. Суол полициятын иниспиэктэрдэринэн 1990 с.т. суоппар булуллубут. Эр киһи РФ Административнай Кодексын 12.12 ыстатыйатын 1 чааһынан административнай эппиэтинэскэ тардылынна, диэн Госавтоинспекция пресс-сулууспата иһитиннэрэр.

Аны туран бэс ыйын 12 күнүгэр «Тойота Ноах» массыына суоппара Дьокуускай куораттан паром сырыытын сиригэр киириигэ «Киирии бобуллар» бэлиэҕэ тохтооботох, светофор бобор кыһыл уотугар ааспыт. 2002 с.т. суоппар РФ Административнай Кодексын 12.12 ыстатыйатын 1 чааһынан административнай эппиэтинэскэ тардылынна.

Госавтоинспекция сулууспата быһаарарынан, светофор бобор кыһыл уотугар тохтооботох суоппардарга 1500 солкуобай кээмэйдээх ыстараап көрүллэр.