Андрей Сорокин хаартыскаҕа түһэриитэ, СИА.
Амма олохтооҕо СӨ Борокуратууратыгар сытыы ыйытыгы биэрдэ. Ыам ыйын 29 күнүгэр Амма улууһун олохтоохторун кытта СӨ борокуратууратын салалтатын икки ардыларыгар көрсүһүү буолан ааста.
ВКС нөҥүө гражданнарыкытта көрсүһүү кэмигэр СӨ Борокуруорун солбуйааччы Алексей Башмаков кыттыыны ылла, олохтоох дьон кыһалҕаларын иһиттэ. Көрсүһүү кэмигэр сытыы ыйытыктар киирдилэр: хаарбах дьиэлэртэн көһөрүү, Сатаҕай уонна Алтан сэлиэнньэлэригэр сапыраапка ыстаансыйа суоҕа, Ыччат кыбаарталын ититиигэ холбонуу, о.д.а. Ити кэмҥэ Амма улууһун олохтооҕо, таксист Роман Романов ыйытыга ураты суолталаах буолла.
Роман хас эмэ сыллар устата нэһилиэнньэни долгутар ыйытыгы биэрдэ: «Паромнарга пассажирдары таһыыга тоҕо икки төгүл төлөбүр хомулларый? Холобур, суоппар тырааныспары туоратыыга бигэргэммит тарыыбы төлөөбүт буоллаҕына, тоҕо хас биирдии киһиттэн туспа эбии төлөбүр хомулларый?».
«Олох өйдөөбөппүн»,- диэн Роман сытыы боппуруоһу туруорда. Холобур, пассажиртан туспа төлөбүр хомуллар буоллаҕына, мэктиэтэ туох буоларый? Каюталар? Анал сидиэнньэлэр? Страховка? Дьиҥинэн, дьон икки төгүл төлүүллэр: бастаан массыынаны, онтон массыына иһигэр олорор миэстэтин. Быһаарыылары болҕойон истибит СӨ борокуруорун солбуйааччы Алексей Башмаков ыйытыгы тус хонтуруолугар ылла. «СӨ Тырааныспарга борокуруоругар Артем Ильиҥҥа бу ыйытыгы биэриэм», — диэтэ Алексей Башмаков. Бу туһунан Амма улууһун дьаһалтатын пресс-сулууспата суруйар.
Ыалбыт Ылдьаана хотуттан айгыстан, айманан кэллэ. Уонча хонукка туундараҕа саас кэлиитин көрө диэн көппүтүн сураҕын…
Бүгүн, бэс ыйын 1 күнүгэр, Дьокуускайга Өрөспүүбүлүкэ болуоссатыгар Улуу Кыайыы 80 сылынан дуобаттаатылар. Дуобатчыттарга ураты…
А.Р.Халдеева аатынан Бороҕон модельнай бибилэтиэкэтэ Улуу Кыайыы 80 сылынан Аҕа дойду сэриитин…
Тина Николаевна Лебедева — Саха АССР үтүөлээх бырааһа, Арассыыйа Федерациятын үтүөлээх учуутала, Бочуот уордьанын кавалера, СӨ…
О.П.Иванова - Сидоркевич аатынан Амматааҕы айар сайдыы киинэ сылын аайы үгэскэ кубулуйбут «Хотугу кустук» Амма…
Бэс ыйа -- от-мас, сир симэҕэ тиллэр, чыычаах ыллыыр, сайын саҕаланыыта, үрүҥ түүн түһүүтэ. Норуот…