Паромнар сырыыларын барыллаан болдьохторо билиннэ

СӨ Тырааныспарга уонна суол хаһаайыстыбатыгар министиэристибэтэ паром сырыытын барыллаан болдьохторун иһитиннэрдэ.

«Гидрологическай балаһыанньаттан уонна күн-дьыл туругуттан көрөн, Дьокуускай-Аллараа Бэстээх хайысханан айанныыр паромнар алтынньы бүтүөр диэри сылдьаллара былааннанар», — диэн иһитиннэриигэ суруллар.

Быһа барылаан Өлүөнэ өрүскэ Дьокуускай диэки суудуналар сылдьыылара алтынньы 16 күнүгэр диэри тохтуохтаах. Сэтинньиттэн таһаҕас тиэммит суудуналары ледокол арыаллаан, Жатай-Төхтүр хайысханан сылдьыахтара.

Бүлүү өрүскэ сырыы алтынньы 7-10 күннэригэр, Алдан өрүскэ алтынньы 14-16 күннэригэр тохтуура былааннанар.

Билигин Дьокуускай-Аллараа Бэстээх хайысханан 13 паром айанныыр.