Паромнар сырыылара

СӨ тырааныспар уонна суол хаһаайыстыбатын министиэристибэтигэр паромнар сырыыларын болдьохторун быһаардылар.

Ол курдук, өрөспүүбүлүкэҕэ паромунан сырыы болдьоҕор, Бүлүү эбэнэн туоруур паром айана-сырыыта барыллаан алтынньы 16-17 күннэригэр тохтотуллуон сөп. Оттон Алданынан Мэҥэ Алдан — Кэскил хайысханан сылдьар паром сырыытын эмиэ бу кэмнэргэ тохтотору былаанныыллар.

Өлүөнэ эбэнэн айаҥҥа, Хачыкаат — Мохсоҕоллоох, Дьокуускай — Аллараа Бэстээх, Кангаласс — Суотту хайысхаларынан туоруур паромнары быһа холуйан алтынньы 16-22 күнүгэр диэри сырытыннаран баран тохтотору былаанныыллар.

Ыйыллыбыт болдьохтор күн-дьыл туругуттан, гидрологическай быһыыттан-майгыттан көрөн уларыйыахтарын, көннөрүллүөхтэрин сөп диэн министиэристибэҕэ бэлиэтииллэр.