Салгыы
Паромунан туорааһын төлөбүрэ билиннэ

Паромунан туорааһын төлөбүрэ билиннэ

Ааптар:
24.05.2023, 11:00
Егор Карпов
Бөлөххө киир:

СӨ сыана бэлиитикэтин судаарыстыбаннай кэмитиэтэ Өлүөнэ өрүс нөҥүө паромунан тиэйии муҥутуур сыаналарын бигэргэттэ.

Ааспыт сылы кытта тэҥнээтэххэ, кыра ыйааһыннаах тырааныспары тиэйии сыаната үрдээбит. Кэмитиэт быһааран этэринэн, бу сылтан ыла тырааныспар ыйааһыныттан буолбакка, паром палубатыгар сабардыыр миэстэтиттэн төлөбүрү ааҕыыга көһүү саҕаланыа. Бу курдук суоттааһынтан сылтаан легковой массыынаны тиэйии төлөбүрэ үрдээбит. Таһаҕас тиэйэр улахан массыыналары туоратыы төлөбүрэ 2022 сыл таһымыгар хаалбыт.

Бүгүҥҥү күн туругунан тиэйии төлөбүрэ бу курдук буолбут:

1,5 туонна ыйааһыннаах тырааныспар – 650 солк. (эрдэ 500 солк. этэ);

1,501 туоннаттан 2,0 туоннаҕа диэри – 950 солк.;

2,001 туоннаттан 2,3 туоннаҕа диэри – 1100 солк.;

2,301 туоннаттан ыарахан тырааныспар – 1400 солк.

Тырааныспар министиэристибэтэ биллэрэринэн Дьокуускай – Аллараа Бэстээх, Хачыкаат – Мохсоҕоллоох, Хаҥалас – Суотту туһаайыыларынан өрүһү паромунан туоратыы ыам ыйын 25 күнүттэн саҕаланар. Дьокуускай – Аллараа Бэстээх туһаайыыга 12 паром сылдьыаҕа, Хачыкаат – Мохсоҕоллоох туһаайыыга — 4 паром, Хаҥалас – Суотту хайысхаҕа икки паром сылдьара күүтүллэр.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
30 мая
  • 16°C
  • Ощущается: 15°Влажность: 55% Скорость ветра: 2 м/с

Сообщить об опечатке

Текст, который будет отправлен нашим редакторам: